Талшық жіңішкелігі

Талшық жіңішкелігі - жүн талшығының өлшемі. Жүннің тоқымалық сапасын айқындайтын шикізаттық құңдылығының басты көрсеткіштерінің бірі. Талшық жіңішкелігі биязы және биязылау жүнді қойларды сұрыптау мен жұп таңдауда үлкен мән берілетін селекциялық белгіге жатады. Талшық жіңішкелігі мен қойдың дене бітімі, тірілей салмағы, жүннің ұзыңдығы мен таза жүн түсімі арасында тығыз байланыс бар. Жүннің талшық жіңішкелігін шаруашылық жағдайыңда қойды сұрыптағаңда және жүн өндеу кәсіпорындарыңда көзбен қарап, ал зертхана жағдайында жүн талшығының көлденең кесілген енін микроскоппен немесе ланаметрмен өлшеп анықтайды. Талшық жіңішкелігі көлденең кесілген еніне (диаметріне) сәйкес келетін шартты сандық сапаларға (80-ші, 70-ші, 64-ші сапа, т.с.) жатқызылады.