Терезе (ақпараттану)

Уикипедия жобасынан алынған мәлімет
Мұнда ауысу: шарлау, іздеу
Терезе

Терезебейнебеттің бір бөлігі, онда бағдарламалар мен әрекеттер іске асырылады.

Мысалы, бір терезеде электрондық пошта бағдарламасын ашуға, ал екінші терезеде Интернеттен қажетті деректерді іздеуге болады. Терезелерді жабуға, мөлшерін өзгертуге, құралдар үстеліндегі батырмалар түрінде барынша кішірейтуге немесе бүкіл бейнебетке барынша үлкейтуге болады. Терезе—

  1. пайдаланушы немесе программа жеке экран ретінде жұмыс істейтін дисплей экранының бөлігі;
  2. машиналық графикада — виртуальды кеңістіктің берілген бөлігі;
  3. есептеу желілерінде — растау алмастан беруге болатын мәліметтер дестесінің тізбектік реттік нөмірлерінің реттелген жиыны; мәліметтерді жеткізу хаттамасымен анықталатын хабарлар мен мәліметтер блоктарын фрагменттеу құралы;
  4. графикалық тұтынушы интерфейстің негізгі элементі; бөлек экран тәрізді жұмыс істейтін дисплей экранының тіктөртбұрышты бөлігі; кез келген мәліметтерді қабылдап алатын және өңдейтін объект. Программа немесе тұтынушы адам жеке экранмен жұмыс істеп отырғандай сезінетін дисплей экранының бөлігі. Терезені үлкейтуге, кішірейтуге оны пиктограммаға айналдыруға немесе жиырып, тек аты ғана Тапсырмалар тақтасында көрінетіндей етіп қоюға болады. Бір мезетте экранға бірнеше терезе шығаруға да болады. Терезелер жұмыс үстеліндегі қағаз парақтары сияқты, бірінің үстіне бірін қоюға, оларды жылжытуға, жасырып қоюға мүмкіндік бар. Стандартты терезе элементтері: тақырып жолы, меню жолы, аспаптар тақтасы, сырғыту сызғышы, үлкейту, кішірейту батырмалары және т.б.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Информатика және компьютерлік техника / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А. Қ. Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5