Теректі ауданы
| Теректі ауданы | |
 |
|
| Елі |  Қазақстан |
|---|---|
| Қазақстан әкімшілік бірліктері | Батыс Қазақстан облысы |
| Аудан орталығы | Фёдоровка |
| Жұрты (2010[1]) | |
| — Бүкілі | 39 120 |
| Уақыт белдеуі | +5 (UTC+5) |
Теректі ауданы - Батыс Қазақстан облысы
Теректі ауданы Батыс Қазақстан облысы құрамында 1933 жылы құрылды. Әкімшілік орталығы - Фёдоровка селосы, облыстың орталығы - Орал қаласынан 46 км. жерде орналасқан. Ауданның аумағы - 8.4 мың кв.км., Батыс Қазақстан аумағының 5.6 % бөлігін құрайды.
Аудан аумағы Орал өзенінің сол жағалауында, облыстың солтүстік - шығыс бөлігінде орналасқан. Ауданның солтүстік шекарасы Орал өзені, батысы Орал қаласы жерлері, шығысы Бөрлі ауданы жерлері және оңтүстігі Сырым және Ақжайық аудандары жерлері.
Ауданның әкімшілік - аумақтық бөлінуі:
- ауылдық округтер - 18
- ауылдық елді мекендер - 58
1.01.2009 жылға ауданның тұрғындар саны - 41035 адам болды.
Топырақ - климат қорын және ауыл шаруашылығының бәсекеге төтеп беретін жағдайын есепке ала отырып аудан аумағы екі табиғаттық - экономикалық кеңістікке бөлінген: ауыл шаруашылық кеңістік - далалық дәнді дақылдық - мал шаруашылығы (ауданның солтүстік бөлігі,онда бонитет балы 20 дан 36 ға дейін қара - каштанды және каштанды топырақ таралған); ауылшаруашылдық кеңістік - сырталды, малшаруашылық - дәнді дақылдар аумағы (ауданның оңтүстік бөлігі, онда бонитет балы 16 дан 28 ге дейін болатын ақшыл - каштанды топырақ таралған).
Аудан аумағында Батыс Қазақстан облысындағы ең үлкен Шалқар көлі (360 ш.км.) орналасқан.
