Түрікменой газ-мұнай кен орны

Уикипедия — ашық энциклопедиясынан алынған мәлімет
Навигацияға өту Іздеуге өту

Түрікменой газ-мұнай кен орныОңтүстік Маңғыстау ойысының Өзен-Жетібай антиклинді өңіріндегі газ-мұнай кен орны. Маңғыстау облысында, Ақтау қаласының шығысында 115 км жерде орналасқан, 1969 жылы ашылған.

Геологиялық құрылымы[өңдеу | қайнарын өңдеу]

Кен орны бат жікқабатына тиесілі өнімді горизонттың табаны бойынша өлшемдері 4,4x1,4 км, амплитудасы 30 м келген ендікке жуық бағытта созылған ассиметриялы брахиантиклин қатпардан орын алған. Қатпардың солтүстік қанатының еңістену бұрышы 800°, оңтүстігінікі 300°-қа дейін жетеді. Тереңдеген сайын қатпардың амплитудасы өсе түседі, сөйтіп XIII өнімді горизонт жатынының қалыңдығы 70 м-ге жетеді. Құрылымдардың жазықтықтағы жайғасуы қабаттар бойынша сәйкесіп отырады. Бат жікқабатының шөгінділерінде 2 өнімді горизонт бар, олардың үшеуі байос қатқабатында, біреуі төменгі юрада анықталды.

Жатыс сипаты[өңдеу | қайнарын өңдеу]

Өнімді горизонттардың биіктігі 950 м-ге жетеді. Флюидтің сипатына қарай екі жатын газды-мұнайлы, алтауы мұнайлы және біреуі газды. Қорқоймасының типі жағынан бір жатын қойнауқаттық, күмбездік, литологиялықтұрғыдан қалқаланған, өзгелері қойнауқаттық, күмбездік. Өнімді горизонттар құмтастар мен алевролиттерден құралған, кеуектілігі 16-20%, өтімділігі 0,008-0,06 мкм2. Қойнауқаттардың өнімді бөлігінің жалпы қалыңдығы 6-15 м-ге, тиімді қалыңдығы 5,5-9,8 м-ге, мұнайға қаныққан қалыңдығы 2.4-5,8 м-ге, газға қаныққан қалыңдығы 3.5-5,1 м-ге дейін өзгереді. Жатындардағы мұнайға қанығу коэффициенттері 0,58-0,71, газға қанығу коэффициенті 0,52. Бастапқы қойнауқаттық қысым мен температура 15,1-25 МПа-ға және 65-96°С-қа дейін ауытқиды. Мұнай шығымы 11,2-72,6 м3/тәу, газдікі 9 мың м3/тәу құрады.

Құрамы[өңдеу | қайнарын өңдеу]

Мұнайдың тығызыдығы 855-891 кг/м3, тутқыр, аз күкіртті (0,3%), мол парафинді (21,7-30,8%), шайырлы. Мұнайда еріген газ метан құрамды (68,8%), ауыр көмірсутектер үлесі 24%-ға дейін жетеді, азот 6,8%. Еркін газдың құрамында 68,8-84,5% метан, 9,5-24,4% ауыр көмірсутектер, 5,8-6,8% азот, 0,1-0,2% көмірқышқыл газы бар. Хлор-кальцийлі типті қойнауқаттық суларының минералдылығы 125-664 г/л-ге дейін жетеді, 89,9 г/л-ге тең минералдылық төменгі юраның бір ғана горизонтында анықталды. Бром мөлшері 346-409 мг/л жетеді, йодбар. Жатындардың режимі суарынды. Кен орны игеруге дайындалған.[1]

Дереккөздер[өңдеу | қайнарын өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1