Тұнбаға түсу реакциясы

Тұндыру әдісі бойынша кондуктометрлік титрлеу қисығының түрі (бастапқы, қосымша) негізінен тұнбаға түсетін иондардың қозғалғыштығы мен олардың концентрациясына түзелді. Неғұрлым тұнбаның ЕК аз болса, соғұрлым э.н. маңайында титрлеу қисығы айқын болады. Мысалы, егер бинарлы тұнбада ЕК < 10⁻⁵ ерітінді 0.1 моль/л болса, онда кондуктометрлік титрлеу нәтижесі қанағаттанарлық шығады. Еритін тұнбалар үшін э.н. қиынырақ анықталады, өйткені титрлеу қисығы өте баяу доғаланады. Бастапқы ерітінді концентрацияның кемуімен титрлеу қисығындағы сыну көмескілене түседі. Бастапқы ерітіндінің концентрациясы 10⁻³ М болған жағдайда, э.н.-і нақты табу үшін нашар еритін қосылыстың ЕК < 10⁻⁹ болуы керек.

Талданағын жүйеге органикалык еріткішті енгізу оның ерігіштігін кемітеді, сондықтан титрлеу қисығындағы сыну айқынырақ көрінеді. Егер тұнбалық иондардың козғалғыштығы тұндырғыш иондардікінен артық болса, онда ерітіндінің э.н.-ге дейінгі электр өткізгіштігі азаяды және теңелгенде де, ол өзгермейді, ал егер тұнбалық иондардың козғалғыштығы тұндырғыш иондардікінен кем болса, онда э.н.-ге дейінгі электр өткізгіштік өседі. Барлық жағдайда да э.н.-ден кейін ерітіндідегі ион концентрациясының есебінен электр өткізгіштік өседі. Мысалы барий сульфатын тұнбаға түсіргенде:

Ba(NО₃)₂ + Na₂SО₄ -> BaSО₄ + 2NaNО₃

Эквивапенттік нуктеге дейін электр өткізгіштік біршама төмендейді, өйткені ерітіндіде α_о(Ва²⁺)=63,6 орнына NaNО₃(X(Na⁺))=50,1 түзіледі, эквивалентті мөлшердегі, яғни қозгалғыштығы аз болатын катион пайда болады. Ал э.н.-ден кейін ерітіндінің электр өткізгіштігін күрт жоғарылататын артық Na₂SQ4 пайда болады. Ол титрантты қосқан сайын өсіп отырады.

Тұндыру әдісі бойынша кондуктометрлік титрлеу кәдімгі тұндыру әдісіндегідей қателіктермен сипатталады. Бұл қателіктер бірге қосарлана тұндыру және адсорбция, тепе-теңдіктің қалыптасуы тез орнамағандықтан, және т.б. себептер есебінен болады.