Тәтті

Тәтті – Жамбыл облысы Мерке ауданындағы ауыл, темір жол станциясы, ауылдық округ орталығы. Аудан орталығы – Мерке ауылынан солтүстікке қарай 45 км жерде, Қызтоғансай өзенінің Қорағатыға құятын сағасында орналасқан. Тұрғыны 1,3 мың адам (2005). Ауыл 1962 – 97 жылы өзімен аттас қой өсіретін кеңшардың орталығы болып келді. Оның негізінде Тәттіде 1997 жылы ӨК ұйымдастырылды. ^[1]

ТӘТТІ – Меркі ауданындағы ауыл, темір жол станциясы, ауылдық әкімшілік округі орталығы. Аудан орталығы – Меркі ауданынан солтүстікке қарай 45 км жерде, Қызтоғансай өзеннің Қорағатыға құйылар сағасында, боз жусан, эфемерлі сұр жусан аралас баялыш, күйреуік, әжірек, ши т.б. шөптесін өскен шалғынды сұр топырақты аллювийлі-пролювийлі қуаң далада орналасқан. Тұрғыны 1,3 мың адам (1999). Ауыл 1962 – 1997 жылдары өзімен аттас қой өсіретін кеңшардың орт. болып келді. Оның негізінде Тәттіде 1997 жылдан өндірістік кооператив ұйымдастырылды. Ауылда орта, бастауыш мектептер, клуб, отбасылық-дәрігерлік амбулатория, т.б. мекемелер бар. Тәтті арқылы Түрксіб т. ж. және Тараз – Алматы автомагистралі өтеді. К. Рыспаев