Төлеев Аман Ғұмырұлы

Уикипедия — ашық энциклопедиясынан алынған мәлімет
Мұнда ауысу: шарлау, іздеу


Төлеев Аман Ғұмырұлы
Дүниеге келгені: 1944 мамыр 13
Красноводск (Түрікменбашы), Түрікменстан
Мансабы: РФ Кемерово облысының губернаторы

Төлеев Аман Ғұмырұлы (Аманкелді Молдағазыұлы) — (13.5.1944 жылы туылған, Түрікменстан, Красноводск (қазіргі Түркіменбашы) қаласы) – саяси қайраткер, технология ғылымының докторы (2000).

Новосибирск темір жол инженерлері институтын (1973), Қоғамдық ғылымдар академиясын (1989) бітірген. Еңбек жолын 1964 жылы Кемеров облысында темір жолшы болып бастады. 1967 – 73 жылдары Новокузнецідегі Мундыбаш станциясында кезекші, бастықтың көмекшісі, станция бастығык, 1973 – 85 жылдары Междуреченск темір жол станциясының бастығы, Кемерово темір жолының Новокузнецк бөлімшесі бастығының орынбасары, бөлімше бастығы, 1985 – 88 жылдары Кемерово облыстық партия комитетінде көлік және байланыс бөлімінің меңгерушісі, 1988 – 90 жылдары Кемерово темір жолының бастығы болды. 1990 – 93 жылдары РКФСР (кейінгі РФ) Жоғарғы Кеңесінің депутаты, Кемерово облыстық халық депутаттары кеңесінің төрағасы, 1994 – 96 жылдары Кемерово облыстық заң шығарушы жиналыстың төрағасы, 1996 – 97 жылдары РФ-ның ТМД елдерімен қарым-қатынас министрі қызметтерін атқарды. 1997 жылдан Кемерово облысының губернаторы. 3 рет (1991, 1996, 2000) РФ Президенттігіне кандидат болып тіркелді.

Төлеев “Долгое эхо путча” (1992), “Власть в руках человека и ... человек в руках власти” (1993), “На изломах жизни...” (1993), “Цена иллюзий” (1995), “Отечество – боль моя” (1995), “Судите сами” (1996) атты кітаптарын жазған. Ресейдің, Украинаның, Қазақстанның, Беларусьтің, Моңғолияның көптеген ордендерімен марапатталған. Саяси тұлға ретінде бірнеше рет Қазақстанда ресми сапармен болып қайтқан. [1]

Сілтемелер[өңдеу]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том