Төлеу Құспанғалиұлы Құспанғалиев

Төлеу Құспанғалиұлы Құспанғалиев
Туған күні	1 наурыз 1937 (1937-03-01) (87 жас)
Туған жері	КСРО, Бақсай ауданы, Кулагин
Ұлты	Қазақ
Әкесі	Құспанғали

Төлеу Құспанғалиұлы Құспанғалиев 1937 жылы 1 наурызда Гурьев облысының Бақсай ауданындағы Кулагин кентінде туған.

• С.М. Киров атындағы Қазақ мемлекеттік университетін (1959) инженер-геолог-мұнайшы мамандығы бойынша бітірген. Геология-минералогия ғылымдарының кандидаты (1971). 63 жарияланған ғылыми жұмыс, 50-ден астам ғылыми- зерттеу жоба, есеп берулер, кешенді бағдарламаларының авторы.
• 1959жылдан - БҚГБ ГГШМЭ-де коллектор, аға геолог. 1962 жылдан - «БҚГБ» орталық зертханасының аға инженер- геологы, петрография секторының жетекшісі. 1968 жылдан - Бүкілодақтық мұнай ғылыми-зерттеу геологиялық барлау институтының аспиранты және кіші ғылыми қызметкері. 1971 жылдан- Гурьев ірілендірілген аумақтық мұнай барлау экспедициясының Орталық зертханасы тақырыптық партиясының аға геолог-жетекшісі, Орталық зертханасының меңгерушісі. 1972 жылдан «Қазмұнайгазбарлау» Басқармасы Орталық зертханасының бастығы. 1974 жылдан - Каспий маңы терең бұрғылау мұнай барлау экспедициясы тақырыптық партиясының бастығы, геология бөлімінің бастығы. 1979 жылдан - Қазақ мұнай ғылыми-зерттеу геологиялық барлау институтының литология және петрография зертханасының ғылыми хатшысы, аға ғылыми қызметкері. 1983 жылдан - Гурьев «ҚазақмұнайҒЗЖИ» мұнай және газ кен орындары геологиясы секторының меңгерушісі, кешенді ғылыми-зерттеу бөлімінің меңгерушісі. 1996 жылдан - «Каспиймұнайгаз» жобалау институты (1995 жылы «ҚазақмұнайҒЗЖИ» Атырау филиялы базасында құрылған және 2001 жылдан «Каспиймұнайгаз» Ғылыми-зерттеу және жобалау институты» ААҚ болып қайта құрылған) мұнай және газ кен орындары геологиясы бөлімінің меңгерушісі. 2002 жылдан - «ҚазмұнайҒЗЖИ» мұнай және газ кен орындарын өндіру ісін талдауды жобалау бөлімі геология секторының аға ғылыми қызметкері 2003 жылдан бері - «Каспиймұнай» АҚ бас геологы,геология женіндегі басқарма терағасының кеңесшісі. Республикалық санаттағы дәріскер. РФ Ұңғымаларды зерттеу клубының мүшесі. Қазақстанның Батыс аймағы бойынша Мәтін, Орысқазған, Шығыс Мақат мұнайгаз кен орындарын алғаш ашушы.
• «В.И. Лениннің туғанына 100 жылдығын атап өтудегі ерен еңбегі үшін», «Еңбек ардагері», «КСРО мұнай өнеркәсібіне 100 жыл» медальдарымен, «Білім» Бүкілодақтық қоғамының төс белгісімен, «Қазақстан мұнайына 100 жыл» «Мақат мұнай кен орнына 90 жыл» белгілермен марапатталған жер қойнауының Құрметті барлаушысы.