Француз Гвианасы

Уикипедия — ашық энциклопедиясынан алынған мәлімет
Навигацияға өту Іздеуге өту
Француз Гвианасы физикалық картасы

Француз Гвианасы (фр. Guyane Française), ресми атауы Гвиана (фр. Guyane) — Оңтүстік Американың солтүстік-шығыс жағалауында орналасқан Франция территориясы.

Сипаттамасы[өңдеу | қайнарын өңдеу]

Жер аумағы 91 мың км². Халқы 157 мың (креолдар, зәңгілер, үндістер) (1997). Әкімшілік орталығы — Кайенна (41 мың). Ресми тілі — француз тілі. Тұрғындары, негізінен, католиктер. Францияның мемл. атқару органы — префектура мен жергілікті өзін-өзі басқару органдары (Бас кеңес пен аймақтық кеңес) билік жүргізеді. Жері, негізінен, таулы-қыратты. Қойнауы кен байлықтарына бай. Климаты субэкваторлық, ыстық. Жыл бойғы орт. температура 28° – 29°С. Орташа жауын-шашын мөлш. 3000 мм. Терр-н түгелдей мәңгі жасыл ормандар мен саванна өсімдіктері алып жатыр.

Тарихы[өңдеу | қайнарын өңдеу]

Елдің ежелгі тұрғындары — үндістер. 1499 ж. еуропалықтардан бірінші болып испандықтар келді. 17 — 18 ғ-ларда бұл өңір үшін Франция, Португалия, Англия, Голландия мемлекеттері өзара таласты. 1817 жылдан бастап қана Гаусс толығымен Францияның отарына айналды. Француз үкіметі бұл аймаққа саяси тұтқындарды жер аударып отырды. 1946 ж. Г-ға мұхиттың арғы жағындағы департамент, 1975 жылдан бастап арнайы аймақ мәртебесі берілді. Гаусс — экономикасы нашар дамыған аграрлы ел, қаржы жағынан француз үкіметіне тәуелді. Тұрғындары а.ш-на қоса қымбат бағалы ағаштарды дайындаумен де айналысады. Пайдалы қазбаларға (алтын, боксит, т.б.) бай болғанымен, оларды өндіру кең көлемде жолға қойылмаған. Негізгі сауда серіктестері: Франция, Германия, Италия, Нидерланд, Жапония, АҚШ.