Хайнань
Хайнань Аралы, Цюнъяй —
Территория және ауданы[өңдеу | қайнарын өңдеу]
Оңтүстік Қытай теңізіндегі арал, құрлықтан Хайнань бұғазы арқылы бөлінген. Қытайдың Хайнань провинциясын құрайды. Жер аумағы 34 мың км2. Халқы 7,24 млн. адам. (2000). Солтүстікте — аллювийлік жазық, орталық бөлігі мен оңтүстігі — аласа және орташа биіктіктегі таулар (ең биік жері 1879 м, Учжишань тауы). Гранит, құмтас және базальттан тұрады.
Климат[өңдеу | қайнарын өңдеу]
Климаты тропиктік, муссондық; жазықта қаңтар айының орташа темп-расы 16 — 19С, шілдеде 29С. Жылдық жауын-шашын жазықта 1250 — 1500 мм, таулы бөлігінде 3000 мм. Ылғалды, мәңгі жасыл муссонды тропиктік ормандар (пальма, панданус, бамбук) таралған. Солтүстік жағалауларындағы жазық жерлерде күріш, мақта, қант құрағы, т.б. өсіріледі. Әкімшілік орталығы және басты қаласы — Хайкоу.[1]
Дереккөздер[өңдеу | қайнарын өңдеу]
- ↑ ”Қазақ Энциклопедиясы” 9 том