Харчо

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Харчо — грузиндердің ұлттық сорпасы.

Тек сиыр етінен дайындалады. Харчоның бір ерекшелігі — оған тклапидің қосылуы. Етпен бірге 2 л сорпаға 1/2 стақан грек жаңғағын қосады. Харчоға еттен басқа күріш (1/2 стақан), 1 стақан үгітілген тклапи, 4 бас пияз, татымдықтар мен дәмдеуіштер, көктер, 1 асхана қасығымен жүгері ұны қажет. Харчоны пісіру 3 операциядан тұрады. 1) етті асу (кесектелінген ет салқын суға салынып жай отта 2—2,5 сағаттай қайнатылады); 2) күріш еті алынған сорпаға тамыр татымдықтарымен бірге салып, қайнатады. Қайнап болар кезде тамыр татымдықтары алынып сорпаға жаңғақтар салынады да күріш дайын болғанша қайнатылады; 3) сорпаға тклапи және басқа татымдықтар мен көктер салынып 5 мин-тай қайнатып болған соң ыдыстың қақпағын тығыздап жауып 3—5 мин-тай демделінеді.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.— Алматы: "Мектеп" баспасы, 2007. — 232 бет.ISBN 9965-36-414-1