Хафиз кесенесі

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Координаттар: 29°37′31.45″ с. е. 52°33′29.95″ ш. б. / 29.625403° с. е. 52.558319° ш. б. (G) (O)29°37′31.45″ с. е. 52°33′29.95″ ш. б. / 29.625403° с. е. 52.558319° ш. б. (G) (O)

Hafez2009.jpg Хафиз кесенесі Шираз қаласындағы Хафезие кешенінің ішінде орналасқан. Бүгінде бұл кесене туристік тартымдылығы зор жерлердің бірі болып табылады. Бұл жер Хафиз өлеңдері мен ойларына қызығушы адамдарды әлемнің түкпір-түкпірінен өзіне тартады. Х.қ.ж.с.б. 856 жылы, яғни Хафиздің қайтыс болғанына 64 жыл өткеннен кейін оның қабірінің үстіне күмбез тұрғызылды және оның алдына үлкен бассейн салынды. Х.қ.ж.с.б. 1189 жылы Кәрімхан Зенд Хафиз зиратының айналасына ғимарат салғызды. Сондай-ақ, біркелкі тастан салынған төрт бағанды зал және оның алдына үлкен бақ салынды. Хафиз қабірінің үстіне мәрмәр тас қойылды. Ол әлі күнге дейін бар.

Шатырындағы мозаикалық безендіру
Түнгі Хафиз кесенесі

Кәрімхан Хафиз қабірінің жанына ғимарат салғаннан кейін, бірнеше мәрте бұл жер қайырымдылық етушілер тарапынан жөндетілді. Соңғы рет 1315 жылы қазіргі кешен марқұм Әли Асқар Хекмат пен франциялық Андре Годардтың талпынысымен Кәрімхан Зенд кезіндегі сәулет өнері мен Хафезие жайлы естеліктерді пайдалануы арқылы жобаланып, салынып шықты. Сегіз тас бағанның үстіне орналастырылған Хафиз кесенесі күмбезінің ішкі жағы түрлі түсті кафельмен көмкерілген. Ал күмбездің сыртқы жағы сызаттың көптігінен, сопылар мен дәруіштердің бас киіміне ұқсап қалған. Күмбездің сыртқы жағы мыс қаңылтырмен қапталынған, уақыт өте келе ол тотығып, әдемі түске енген. Бұл кесене бұрыннан-ақ алыс-жақындағы ғашық жандардың зиярат ететін орнына айналған. Оның айналасында парсының көптеген сопылары мен ақындары жерленген.