Хиджаб (араб.: حجاب«қалқан», «шымылдық») - мұсылман әйелінің көшеге шыққанда бетін, денесін жасыру үшін киетін киімі. Ең алғаш Мұхаммедтің әйелдері ғана Хиджабпен жүретін болған, кейін барлық мұсылман әйелдері осы салтты ұстанған. Хиджаб мұсылман қалаларында кең тарады, алайда ауылдық жер мен көшпенді тайпалардың әйелдері көбінесе оны кимеді. Хиджабтың қара немесе басқа түсті ойық яки тор көз сақтауы бар желбегей іспеттісі (бетті немесе бүкіл денені жауып тұратын), бетті жауып тұратын қара селдір тор шымылдық секілді және т.б. түрлері болады. Хиджабты киюден бас тарту мұсылман елдеріндегі өмірді демократияландыру ұрандарының бірінен саналды. Хиджабтан ашық бас тарту ең алғаш Мысырда XIX ғ-дың 70 жылдарында көрініс берді. Қазіргі кезде мұсылман елдерінде Х-тың бас орамал және мойын мен қолды жауып тұратын киім секілді -жеңілдетілген түрі кең тараған. [1]
[өңдеу] Пайдаланған әдебиет
- ↑ Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1
