Хостес

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Сингапур авиакомпаниясының хостесі

Хостес сөзі итальян тілінен "hospeс", яғни "қонақ" деген мағынаны білдіреді, бұл сөз ескі француз тіліне (h)ostes яғни, (h)ostesse деп енген, ал қазіргі француз тіліне hôte, hôtesse. Орта ғасырлардың өзінде бұл сөз ағылшын тіліне қонақтарды қабылдаушы мағынасында "hostess" және ХХ ғ. аяғында бұл термин орыс тіліне енді[1]. Хостес жалпылай алғанда әйел адамдардың жұмысы болып табылады, ал ерлер үшін "хост" ұғымы қолданылады.

Этимологиясы[өңдеу]

Хостес қызметінің отаны Англия болып табылады. Ағылшын тілінен аударғанда ол "қожайын" деген мағына береді. Алғашында бұл атаумен тек стюардессаларды атаған болатын, бірақ кейінірек бұл атпен мейрамханадағы залдар қожайындарын, бас даяршыларды, тіпті қонақ үй қожайындарын да атаған болатын. Хостес қызметі басқаларға қарағанда өте жас мамандық. Бірнеше жыл бұрын зал қожайындарын тек ең қымбат, әрі танымал мейрамханалар мен қонақ үйлерде ғана кездестіруге болатын, ал қазіргі таңда тіпті кішігірім кафелердің өзінде-ақ хостес бар. Оның міндеттері ретінде - келген қонақтарды күтіп алу, олардың қандай залға баратынын сұрау ( темекі шегетіндер үшін не керісінше), үстелдеріне дейін шығарып салу және мәзірді ұсыну болып табылады. Хостес кейбір кездері сонымен қатар, даяршылардың қызметін бақылап, оларға бағыт-бағдар беріп отырады.

Қызметтік міндеттері[өңдеу]

Aвтомобиль көрмесіндегі хостес
Орталық хостесі
Хостес қыздар

Жұмыс істеу орнына байланысты хостес қызметінің міндеттері ұлғаюы мүмкін.

  • Мейрамхана. Мейрамханаларда хостес келген қонақтарды қарсы алады, үстелдеріне дейін шығарып салады, ас мәзірін ұсынады. Сонымен қатар, хостес үстелдерді брондайды, қонақтарды іріктейді, ал қонақтардың көптеп келген жағдайында даяршыларға көмектеседі. Тағы бір функциясы - даяршылардың қызметін басқарады, бірақ көбінесе бұл қызметті бас даяршы атқарады.
  • Қонақ үй. Қонақ үйде хостес - келген қонақтарды нөмірлерге орналастырады, оларды күтіп алу мен шығарып салу, сонымен қатар, хостестің міндеттеріне тамақтанудың ақысы төленген клиенттерді мейрамханаға кіргізуді бақылап отырады. Хостес - мейрамхананың гиді, яғни оның бет- әлпеті мен айнасы болып табылады.
  • Көрмелер мен конференциялар. Көрмелерде әдетте хостес "шақырушы" қызметін атқарады және келген адамдардың назарын ұсынылған тауарға аудару сияқты қызметттерді жүзеге асырады[2].

Жеке қасиеттері мен дағдылары[өңдеу]

Осы мамандық иесі болуы үшін ұқыпты сыртқы келбет мен сымбатты сыртқы келбет иесі болуы керек. Хостес - кәсіпорынның беті болғандықтан, ол өте көрнекі болуы керек. Қожайынның сырқы келбеті - ұқыпты болуы керек: аса ашық түсті макияж, тым ұзын тырнақ және аса үлкен, салмақты әшекейлердің болмағаны абзал. Әдетте хостес-қыздарға арнайы униформа беріледі. Тартымды келбеттен басқа, хостес сауатты сөйлей білуі керек. Мысалыға, жақсы хостеске паразит сөздерді қолданбаған жөн. Аса қажетті мінез-құлықтар - шыдамдылық, стресске төзімділік және байсалдылық. Осы қасиеттердің маңыздылығы соншалықты, оларды тіпті арнайы ережелер түрінде жазып қояды. Келушілер әр түрлі болады және өздерінің еркелік және басқыншылық қасиеттерін көрсетеді. Хостестің негізгі қызметтеріне дау-дамайларды шешу кіретіндіктен, ол әрқашанда шыдамдылық пен сабырлылық танытуы керек. Хостестің визит карточкасы ретінде оның күлкісі болып табылады. Осы мамандық иелеріне әрқашанда күліп жүру керек - шаршаған және көңілсіз күй тек клиенттерді шошытады, сонымен қатар шайпұлды (чаевые) да ала алмассыз.

Білімі[өңдеу]

Бұл қызмет үшін арнайы жоғарғы білімнің қажеті жоқ, оқыту әдетте сол жұмыс орнында жүзеге асырылады. Мамандықпен танысу 2 күннен бірнеше аптаға дейінгі уақытты алады. Сынақ мерзімін өткізу барысында қыздарға берілген мекеменің ас мәзірін, шараптардың картасы мен қонақтармен жақсы қарым-қатынас пен жақсы мінез-құлық таныту ережелерін оқыту күтеді. Бұл кәсіпорынның артықшылығы ретінде "мейрамхана бизнесі" мен "әлеуметтік-мәдени сервис пен туризм" мамандықтарынан жоғарғы білімнің болуы да тек артықшылық жасайды. Негізінен хостес - бұл клиенттермен жұмыс істейтін менеджер болып табылады. Соныдықтан, психологиялық білімнің болуы міндетті деуге де болады. Шетел тілдерін білу де міндетті деуге болады. Беделді орында жұмыс істеу үшін кем дегенде ағылшын тілін білу қажет, әйтпесе, хостеске жолыққан клиенттермен ымдап сөйлеуге тура келеді, ал бұның келген қонақта теріс әсер қалдырары сөзсіз.

Студенттерге жұмыс[өңдеу]

Көбінесе қазіргі кезде хостес болып студент-қыздар жұмыс істейді. Олар мейрамханалық бизнесте даяршы қызметінен бастап, кейін хостеске дейін көтеріледі. Қыздар әдетте график бойынша 2 күннен кейін жұмыс істейді. Кезек 12 сағат аралықты камтиды - мекеменің ашылуынан соңғы клиентке дейін. Хостестің түнгі клубтардағы кезегі кішкене қысқарырақ - таңғы 9-дан кешкі 6-ға дейін. Хостес жалақысы соншалықты көп те емес. Жалақы мөлшері кәсіпорынның беделіне, престижіне байланысты болады. Мәскеуде зал басшысының орташа жалақысы 25-30 мың. рубльді құрайды, ал біздің елімізде 1000-1300$ шамасында болады. Кішігірім аймақтарды оның мөлшері одан да төмен - 15-25 мың. Қыздарға қосымша жалақы ретінде - клиенттерден түсетін шайпұлды (чаевые) атауға болады. Хостестке шайпұлдың қолына бірден түсуі екіталай, дегенмен көптеген мекемелерде шайпұлдардың ортақ кассасы болады, кейін ол ақша жұмыс уақыты біткеннен кейін барлық персоналдың арасында теңбе-тең бөлінеді[3].

Пайдаланған әдебиет[өңдеу]

  1. http://ru.wikipedia.org
  2. http://ru.wikipedia.org
  3. http://www.trud.ru