Цай Ен

Цай Ен
Жалпы мағлұмат
Туған күні
Қайтыс болған күні	20 мамыр 1981 (1981-05-20)
Қайтыс болған жері	Алма-Ата
Азаматтығы	КСРО
Мамандығы	режиссер

Цай Ен (18.4.1906, Ресей, Владивосток — 20.5.1981, Алматы) – режиссер, драматург, Қазақ КСР-інің еңбек сіңірген өнер қайраткері (1947).

1932 ж. Мәскеу қаласындағы мемлекеттік кинематография институтының режиссерлік факультетін (В.И. Пудовкиннің шеберханасы бойынша) бітіргеннен кейін “Арменкино” студиясында (қазіргі “Арменфильм” студиясы, Ереван қ.) қызмет етті.

1933 — 34 ж. Владивосток қаласындағы Қытай жұмысшы жастар театрында (кейінірек Корей жұмысшы жастар театры деп аталды) режиссер болды. 1934 жылдан өмірінің соңына дейін Қазақстандағы Корей музыкалы драма театрында (қазіргі Корей музыкалы комедия театры) режиссер әрі бас режиссер міндетін атқарды. Мұнда ол корей, қазақ және шет ел драматургтерінің пьесаларын қойды. Олардың қатарында М.Әуезовтің “Еңлік — Кебек” (1962), Б.Жәкиевтің “Әке тағдыры” (1963), О.Бодықовтың “Қарақұм трагедиясы” (1970), т.б. спектакльдер бар.

Цай Ен корей әдебиеті туындыларынан бірқатар инсценировкалар жасаумен қатар пьесалар жазумен де айналысып, сахнаға шығарды. Өз шығармаларымен Қазақстандағы корей театры мен драматургиясының қалыптасып дамуына зор үлес қосты. “Құрмет белгісі” орденімен және бірнеше медальдармен марапатталған.