Цефалокаридалар
Цефалокаридалар (Cephalocarіda) — шаянтәрізділердің класс тармағы. Теңіз шаяндарының ең қарапайым тобы. Цефалокаридалар 1957 ж. ашылған, қазір 9 түрі белгілі. Олар Атлант мұхитының АҚШ жағалауы бөлігінде, Жапон аралдарында, Барбадос, Пуэрто-Рико, Бразилия, Перу, Жаңа Зеландия жағалауларында кездеседі. Денесінің ұз. 3 мм-дей, созылыңқы денесі бас бөлімінен, аяқтары бар 10 сегментті кеудесінен және аяқтары жоқ 9 сегментті құрсағынан тұрады. Құрсағының соңында 2 ұзын қылтаннан құралған айыршасы болады. Көздері жоқ (су түбіндегі шөгінділерге көміліп тіршілік етеді). Ең негізгі қарапайым белгілері: антенналары аузының артқы жағында орналасқан (бұл белгі шаянтәрізділердің дернәсілдеріне тән) және максиллул, максилі (шаянтәрізділердің бас бөліміндегі екі жұп аяқтары) кеуде аяқтарымен өте ұқсас. Аналығы жұмыртқаларын кеуде сегменттерінің ең соңғысындағы жұмыртқа қапшығына салады. Жұмыртқалардан науплиус дернәсілдері шығып, тек 13 — 18 рет түлеуден кейін ересек түрге айналады. Цефалокаридалар барлық шаянтәрізділердің арғы тегіне тән бірқатар белгілерін сақтаған.
[өңдеу] Ciлтемелер :
"Қазақ Энциклопедиясы", 9 том
 |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
Суретті мыннан табуға болады:
|
 |
Бұл мақаланы Уикипедия сапа талаптарына лайықты болуы үшін уикилендіру қажет. |
