Черчилль, Уинстон
Қазақша Уикипедияның мағлұматы
| Аса құрметті Сэр Уинстон Леонард Спенсер-Черчилль KG OM CH TD FRS PC PC (Can) |
|
 |
|
|
|
|
|---|---|
| лауазымына ие болғаны 1951 жылғы қазанның 26-сы — 1955 жылғы сәуірдің 7-сі |
|
| Ұлық | VI-шы Георг II-ші Елизавета |
| Deputy | Энтони Иден |
| Ізашары | Клемент Эттли |
| Ізабасары | Энтони Иден |
| лауазымына ие болғаны 1940 жылғы мамырдың 10-ы — 1945 жылғы шілденің 27-сі |
|
| Ұлық | VI-шы Георг |
| Deputy | Клемент Эттли |
| Ізашары | Невилл Чемберлен |
| Ізабасары | Клемент Эттли |
|
|
|
| лауазымына ие болғаны 1924 жылғы қарашаның 6-сы — 1929 жылғы маусымның 4-і |
|
| Премьер-министр | Стэнли Болдуин |
| Ізашары | Филип Сноуден |
| Ізабасары | Филип Сноуден |
|
|
|
| лауазымына ие болғаны 1910 жылғы ақпанны 19-ы — 1911 жылғы қазанның 24-і |
|
| Премьер-министр | Герберт Герни Асквит |
| Ізашары | Герберт Гладстоун |
| Ізабасары | Реджинальд МакКенна |
|
|
|
| Дүниеге келгені | қарашаның 30 Бленһайм, Оксфордшир Англия |
| Қайтыс болғаны | 1965 ж. қаңтардың 24 (90 жаста) Гайд Парк, Лондон, Англия |
| Орналасқан жері | Әулие Мартин шіркеуі, Блейдон |
| Ұлты | британиялық |
| Саяси партиясы | консервативті (1900–1904, 1924–1964) либералды (1904–1924) |
| Жұбайы | Клементин Черчилль |
| Балалары | Диана, Рандолф, Сара, Мариголд, Мери |
| Жайғасуы | Чартвелл |
| Мамандығы | Парламент мүшесі, әскери, жазушы |
| Діні | англикан |
| Қолтаңбасы |  |
Уинстон Леонард Спенсер-Черчилль (1874 жылғы қарашаның 30-ы – 1965 жылғы қаңтардың 24-і) — көрнекті британиялық саясатшы. Ол негізінен екінші дүниежүзілік соғыс кезінде Құрама Патшалыққа жүргізген жетекшілігі арқылы белгілі. Ол 1940-1945 және 1951-1955 жылдары Құрама Патшалықтың премьер-министрі қызметін атқарған. Сонымен бірге ол көрнекті мемлекеттік қайраткер, шешен, әскери офицер, тарихшы, Нобель сыйлығына ие болған жазушы және әуесқой суретші ретінде де белгілі.
Әскери қызметін атқару барысында ол Британия Үндістаны, Судан және екінші бур соғыстарында әскери қимылдарға қатысқан. Ол соғыс тілшісі ретінде және сол соғыстар туралы жазған кітаптары туралы кең танымалдылыққа ие болды. Ол қысқа уақыт бірінші дүниежүзілік соғыстың батыс майданында қызмет етіп, корольдық шотланд мылтықшыларының 6-шы батальонын да басқарған.
Саясатпен алпыс жыл дерлік айналысқан ол көптеген саяси және үкіметтік лауазымдарға ие болған. Бірінші дүниежүзілік соғысқа дейін ол 1905-1915 жылдары сауда комитетінің төрағасы, ішкі істер министрі, Адмиралтействоның (әскери-теңіз министрлігі) бірінші лорды қызметтерін атқарды. Соғыс кезінде сол бірінші лорд қызметін зор жеңіліс және сәтсіздікпен біткен Галлиполи операциясына дейін атқарды. Үкіметтен сол үшін кетуге мәжбүр болған ол кейінірек қайтып келіп, әскери жабдықтар министрі, әскери министр, әскери әуе күштері министрі қызметтерімен айналысты. Екі дүниежүзілік соғыстың арасында ол консервативті үкіметтің құрамында қазынашылық канцлері болған.
Екінші дүниежүзілік соғыстың басталуымен Черчилль қайтадан адмиралтействоның бірінші лорды болып тағайындалды. 1940 жылғы мамырдың 10-ында Невилл Чемберленнің отставкаға кетуімен ол премьер-министр болып тағайындалды. Оның жетекшілігіндегі Ұлыбритания соғыста Германия мен оның одақтастарын жеңе білді. Әрқашан өзінің шешендік өнерімен белгілі болған Черчилль сөйлеген сөздері арқылы британия халқына және одақтастар әскерлеріне зор рух беріп отырды.
1945 жылы болған сайлауда партиясы жеңілген Черчилль оппозиция жетекшісіне айналды. 1951 жылы ол қайтадан премьер-министр болып сайланып, 1955 жылы түбегейлі отставкаға кетті. Ол 1965 жылы қайтыс болып, мемлекеттік жерлеу рәсімімен жерленді. Оған көптеген елдерден мемлекеттік қайраткерлер келіп қатысып, Черчилльді соңғы сапарына шығарып салысты.
[өңдеу] Шығу тегі және балалық шағы
