Черчит
Черчит (ағылшын химигі Черчтің құрметіне аталған) - сулы фосфаттар тобына жататын минерал.
Черчитті алғаш Вильямс ашқан (1865). Химиялық формуласы: YPO4×2H2O. Мұндағы иттрийдің мөлшері 25%. Моноклиндік сингонияда кристалданып, радиалды-талшықты, сферолитті табақша тәрізді кристалдар түрінде кездеседі. Қаттылығы Моос шкаласы бойынша 3, тығыздығы 3,14-3,27 г/см³; жіктілігі бір бағытта жетілген, әйнекше жарқырайды. Түсі ақ, сұр, сары, кейде түссіз. Табиғаты экзогендік процестер барысында түзіліп, сілтілі магмалық тау жыныстарының мору белдемдеріне галлуазит және феррогаллуазитпен бірге кездеседі. Черчит кен орындары Ұлыбританияда, Германияда, АҚШ-та, т.б. бар. Қазақстанда өндірістік маңызы бар Черчит және басқа жа иттрий минералдарына бай Құмдыбай кен орны барланған. [1]
Дереккөздер[өңдеу | қайнарын өңдеу]
- ↑ Қазақстан ұлттық энциклопедия. 9 том. Алматы, 2007.