Чун Тян
Чун Тян (қазақша – көктем) — дүңген халқының әуесқой фольклорлық ансамблі. Ол 1982 ж. Жамбыл облысының Қордай ауд-дағы "Коминтерн" к-зында ұйымдастырылды. 1987 ж. оған халық ансамблі атағы берілді.
Әуесқой ансамбль құрамында 25-ке тарта өнерпаздар - колхозшылар мен жұмысшылар және мектеп оқушылары бар. Әуесқой әншілер Х. Машанло, А. Лурова ұмытыла бастаған дүнген халқының бірқатар әндерін жаңартып, жаңа мазмұнда орындаумен көпшілікке танылды. Ансамбль коллективі аудан, облыс, сонымен қатар Қырғызстан еңбекшілері алдында да концерттер қойып, өнер көрсетеді. Оның репертуарынан көбіне дүнгеннің, сондай-ақ КСРО халықтарының әндері мен билері орын алды.
Дереккөздер[өңдеу | қайнарын өңдеу]
↑Қазақ ССР 4 томдық қысқаша энциклопедия./Бас редактор Р.Н. Нұрғалиев;Алматы; Қаз.Сов. Энциклопед. Бас. редак. 1989 ISBN 5-89 800-009-7