Шоған

Шоған — қазақ халқының құрамындағы рулар тобы. Шежіре деректеріне қарағанда Ұлы жүз албан тайпасынан тарайды. Шоғаннан кейбір деректер бойынша тұрымжан, дәулен, әлжан, шажа өрбітіледі. Бірқатар шежірелерде әлжанды мәмбет, шажаны үмбет деп те атайды. Х. Арғанбаев еңбегінде Шоғаннан тұғыжым (айтбай, сиқымбай) мен дәулет (аманқұл, жәдік) ұрпақтары таратылады. Шоғаннан тараған ұрпақтар қазіргі Райымбек, Ұйғыр, Еңбекшіқазақ аудандары жерінде, біраз бөлігі Қытайдың Шыңжан өлкесіндегі Текес, Іле өзендері өңірін мекендеген. Ұзақ уақыт екі мемлекеттінң (КСРО, ҚХР) құрамында өмір сүру Шоғаннан тараған ұрпақтардың өзара байланысын әлсіретіп, этникалық аумағының бөлінуіне алып келді. Бүгінгі күнде Қазақстан, Қытай, Монғол, Ресей және Қырғыз елдеріндегі Шоғаннан тараған ұрпақтары мен Албан шежіре деректері жинақталып,қазақ ру-тайпаларының нақты тарихы жанжақты баяндалуда. Алматы обылысы Райымбек ауданы Қайнар ауылында Шоған мен өз дәуірінің оза шапқан ұрпақтарының ескерткіші орнатылған.

Ұраны — Райымбек. Таңбасы — сызықты дөңгелек.

Дереккөздер

[[Санат:Қазақ рулары]