Шпиондық

Шпиондық, шпионаж (нем. spіonage – тіміскілеу) – нақты бір мемлекеттің құпиясы болып табылатын экономикалық немесе басқа да сипаттағы мәліметтерді астыртын жинау, ұрлау немесе басқа мемлекетке беру түрінде жүзеге асады. Бұл әрекет дүние жүзінің барлық елінде заң бойынша жазаланады. Қылмыстық құқықта Шпиондық мемлекеттің конституция құрылысы мен қауіпсіздігіне қарсы қылмыс болып табылады (Қазақстан Республикасының Қылмыстық кодексі, 166-бап). Егер бұл қылмыс шетелдік азамат немесе азаматтығы жоқ адам жасаған болса, мемлекеттің егемендігі мен сыртқы қауіпсіздігіне зиян келтіру ретінде қаралады, ал егер Шпиондықты осы елдің азаматы жасаса, ол мемлекетке опасыздық жасағаны үшін қылмыстық жазаға тартылады.