Эпигондар

Эпигондар (грек. еpіgonoі, сөзбе-сөз – кейін туған ұрпақтар) – 1) ежелгі грек мифологиясындағы Фивы циклы деп аталатын Фивы қ. қоршауда сәтсіздікке ұшыраған жеті аргосстық батырлардың ұлдары. Эпигондар 10 жыл өткен соң Фивыны қайтадан қоршап, қаланы басып алды; 2) Александр Македонскийдің әскербасылары – диадохтардың ұлдары; олар б.з.б. 3 ғ-да ыдыраған Александр державасын қайта бөлісу үшін күрес жүргізді. Басқаша мағынасында Эпигондар – түкке тұрмайтын ізбасарлар дегенді білдіреді. Осыдан барып, “эпигондық” деген түсінік шыққан.