Эрлифт

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Airlift.png

Эрлифт– компрессормен ауаны ығыстыру арқылы ұңғымадан жерасты суын шығаруға арналған құрылғы. Эрлифттің су тартатын сорғыдан артықшылығы – ұңғыма ішінде кедергі жасайтын бөлшектерінің болмауында; ол тек ұңғымаға ауа жіберетін құбырдан және ауа күшімен суды сыртқа шығаратын құбырдан тұрады. Эрлифтарқылы су шығарған кезде ұңғыманың диаметрі кішкене болса да су мол алынады. Ұңғымадағы суға ауа енгізу үшін құбырлар ұңғыманың ішіне немесе суға ауа кіргізетін жерде бір-біріне жақын орналастырылады. Эрлифт: ауа жинағыш және ауа шығарғыш қозғалтқышы бар компрессордан; компрессордан ұңғымаға ауа кіргізетін құбырдан; араластырғышы бар сукөтергіш құ-быр мен су қабылдағыш бөшкеден тұрады. Оның өнімділігі ұңғымадан алынатын жер асты суының тереңдігі (м) мен ұңғыманың диаметріне (мм) байланысты. М. Мұхамеджанов[1] [2]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
  2. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1