Юозас Мильтинис

Юозас Мильтинис
Juozas Miltinis
Сурет:Juozas Miltinis sculpture in Panevezys.jpg
Туған күні	3 (16) қыркүйек 1907 (1907-09-16)
Туған жері	Дабикине ауылы, Шавельский уезі, Ковенская губерниясы, Ресей империясы
Қайтыс болған күні	13 шілде 1994 (1994-07-13) (86 жас)
Қайтыс болған жері	Паневежис, Литва
Азаматтығы	Ресей  Литва  КСРО  Литва
Қызметі	актер, театр режиссёры, театр педагогы
Юозас Мильтинис Ортаққорда

Юозас Мильтинис (лит. Juozas Miltinis; 1907 — 1994) — литван кеңес режиссері, актер, КСРО халық артисі (1973).

1931 ж. Каунас театры жанындағы студияны бітірді. 1932-38 ж. театр мен кино өнері бойынша Францияда және Ұлыбританияда сабақ алды; Париж театрында (Ш. Дюленнің театрында) қызмет етті. 1939 жылдан театр студиясын (Каунас) басқарды. 1940-54 және 1959 жылдар осы студия негізінде құрылған Паневежис драма театрының бас режиссері. 1940 жылдан театр жанындағы студияда педагогикалық қызметпен шұғылданады. Шәкірттері: Д. Банионис, Б. Бабкаускас т.б. Бен Джонсонның «Вольпонесі» (1941, 1971), А. Миллердің «Коммивояжердің қазасы» (1958), У. Шекспирдің «Макбеті» (1961), Ф. Дюренматтың «Франк V-сі» (1969), А. Стриндбергтің «Өлім биі» (1973) сияқты спектакльдермен қатар фильмдерді де («Неман таңы») қойды. Литван КСР Мемлекеттік Сыйлығының лауреаты (1965). Ленин орденімен, «Құрмет Белгісі» орденімен, «Құрмет Белгісі» орденімен және медальдармен марапатталған.