Явантроп

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Явантроп, нгандонг, соло адамы Homo (Javanthropus) soloensіs – қазбадан табылған адам қаңқасы. Явантроп 1931 – 33 ж. Ява аралының Нгандонг елді мекенінің жанынан, Соло өзенінің жағалауындағы жоғарғы плейстоцен шөгінділерінен (11 бассүйек және екі жіліншік сүйек) табылған. Оны алғаш ашқан голландық ғалымдар В.Оппенорт пен К.Тер-Хаар. Алғашқы кезде геологиялық жасына және кейбір морфологиялық ерекшелектеріне қарап, явантропты палеоантропқа жатқызды. Кейін зерттей келе, бассүйегінің қарапайым ерекшеліктеріне (ми көлемі орта шамамен 1100 см3 , маңдай сүйегі тайқы, қабақ сүйектері өте көтеріңкі) және осы күнгі адамдардың қазба тектеріне жақын екендігіне сүйене отырып, явантропты архантроптарға (питекантроптаға) жатқызған. Явантроп бұдан 150 мың жыл бұрын өмір сүрген. [1]

Пайдаланылған әдебиеттер:[өңдеу]

  1. Қазақ энциклопедиясы, 10 - том