Языгтар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Языгтардың мекендеген жерлері (J)

Языгтар (жазықтар, жазықтан келгендер) – көне тайпа. Антик. деректерге қарағанда, сарматтардың бір тайпасы Языгтар деп аталған. Олардың саяси тарихы мен мәдениеті сарматтармен өте тығыз байланысты. Дерек көздерінде языгтар көшпелі мал шаруашылығымен айналысып, рулық жүйені бастан кешіргендігі жазылған. Языгтардың сыртқы саясаты Риммен күрес аясында өрбіген. Соған байланысты бірқатар римдік деректемелерде атаулары сақталып қалған. Осы мәліметтер бойынша олар Дунай жағалауындағы Рим провинцияларына жиі-жиі шабуылдар жасап тұрған. Тіпті б.з.б. 69 ж. қыста Мезияға басып кіріп, Римнің екі когортын жойып жіберген. Бірақ келесі жылы мол әскер күшімен келген римдіктер оларды басып жаныштады. Б.з. 1 ғасырның орта тұсындағы деректерде языгтардың мекендеген негізгі орталығы Дунай мен Тиса өзендері аралығы деп көрсетіледі. Олардың бір бөлігі Рим империясының шекараларына жақын келіп қоныстанған. Қалғандары Орталық Еуропаның байырғы халықтарымен араласып кетті. [1]

Дереккөздер:[өңдеу]

  1. Қазақ энциклопедиясы, 10 - том