Ғани Өтенұлы Тілеубеков

Ғани Өтенұлы Тілеубеков. 1960 жылы 3 желтоқсанда Жамбыл облысы Жуалы ауданының Чапаев атындағы ұжымшарында туған. Қазақ.

Әкесі - Тілеубеков Өтен, зейнеткер, бас мал дәрігері болып еңбек еткен. Анасы - Мамырәлиева Зина Аманбайқызы, зейнеткер, ОМ мұғалімі.

С.М. Киров атындағы Қазақ мемлекеттік университетін (1987) саяси экономия пәнінің оқытушысы, экономист мамандығы бойынша; Республикалық комсомол мектебінің жанындағы жылдық курстарды бітірген (1988). «Нұр Отан» ХДП мүшесі (2009 жылдан). 1988 жылдан - Алматы жеңіл өнеркәсіп технологиялық техникумының саяси экономия пәнінің оқытушысы. 1989 жылдан - орта мектептегі сыныптан тыс және мектептен тыс тәрбие жұмысы бойынша ұйымдастырушы. 1990 жылдан - коммерциялық құрылымдарда қызметте; Қазақстанның комсомол органдарында жауапты басшы лауазымдарында қызмет еткен. 1997 жылдан- ҚР Президенті Әкімшілігінің аға маманы. 2002 жылдан - ҚР Президенті Әкімшілігінің Кеңсесінде сектор меңгерушісі, ҚР Президенті Кеңсесінің Жалпы бөлімінде сектор меңгерушісі. 2004 жылдан - ҚР Президенті Кеңсесінің Мемлекеттік құпияларды қорғау және ақпараттандыру бөлімінің сектор меңгерушісі. 2004 жылдан - ҚР Президенті Әкімшілігінде Мемлекеттік ққпияларды қорғау және ақпараттандыру бөлімі меңгерушісінің орынбасары, Құжатнамалық қамтамасыз ету бөлімінің меңгерушісі, Құжатнамалық қамтамасыз ету бөлім меңгерушісінің орынбасары. 2008 жылдың қазан айынан бері - ҚР Президенті Әкімшілігінде Ақпараттандыру және ақпараттық ресурстарды қорғау белімінің меңгерушісі. КСРО Жоғарғы Кеңесінің Құрмет грамотасымен және 12 медальмен марапатталған.

Жауынгер-ауған соғысының ардагері. Әскери атағы - подполковник.

Діни көзқарасы - ұстамды.

Қазақстанның болашағы туралы болжамы - «Гүлденген жоғары интеллектуалды Қазақстан».

Хоббиі - спорт.

Сүйіп оқитын әдебиеті - детективтер, тарихи шығармалар

Үйленген. Жұбайы - Бекбосынова К.Р., «Амбассадор» емханасының тіс дәрігері. Ұлы - Тілеубеков Қаныш (1984 жылы туған); қызы - Өтенова Айдана (1996 жылы туған).ref>Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2</ref>