Қазақ университеті газеті
| Қазақ университеті | |
| Қазақ университеті | |
| Түрі |
түсті қағаз |
|---|---|
| Редакторы |
Айнұр Ақынбаева, Ағила Шуриева |
| Бас редакторы |
Саягүл Әлімбекова |
| Құрылған жылы | |
| Тілі | |
| Мерзімділік |
апталық |
| Көлемі |
8 бет |
| Бағасы |
Бағасы келісім бойынша |
| Бас кеңсесі |
Қазақ ұлттық университеті, Ректорат, 11 қабат |
| Тиражы |
1449, 5 маусым, 2012 |
|
| |
| http://www.kaznu.kz/ | |
Қазақ университеті газеті — әл-Фараби атындағы Қазақ ұлттық университетінің төл басылымы.
Тарихы[өңдеу | қайнарын өңдеу]
Газет 1948 жылдан бері шығып келеді. Негізгі бағыты – университеттің мәдени-көпшілік орындарында және факультеттерінде өтіп жатқан басты-басты жаңалықтармен, оқу-әдістемелік жұмыстарына арналған әртүрлі іс-шаралармен, сондай-ақ, қоғамдық-саяси, тәлім-тәрбиелік маңызы жоғары атқарылып жатқан іс-әрекеттермен оқу-орын қызметкерлерін, ұстаздар мен студенттер қауымын таныстырып отыруға бағытталған.
Газеттің ең басты мақсаты – университеттегі қызметкерлерді, оқытушылар мен студенттерді ғылыми, қоғамдық, мәдени жаңалықтармен, факультеттерде өткен шаралармен, жаңа оқулықтармен, оқу-әдістемелік құралдармен, монографиялармен, сонымен қатар студенттің мамандық игерудегі жаңа көркем шығармашылықтағы табыстарымен таныстыру. Сонымен қатар университеттегі жазуға бейімі бар студенттердің шығармашылығын арттыру.
«Қазақ университеті» газеті негізінен студенттерге арналып, ізденушілердің көмегімен жарық көрген басылым – бүгінгі көптеген қаламгерлер үшін нағыз журналистиканың мектебі болды. Алпыс жылдан асқан тарихында университеттік басылым дамыды, өзгерді, кемелденді. Бүгінде ол республика көлемінде тарайды. Газеттің республикалық мәртебесі редакциялық алқа мүшлеріне оқырмандарымен тығыз байланыста болуға, газет материалдарының мазмұндық деңгейі мен көркемдік безендіруін көтеру міндетін алға қояды. Газеттің сыртқы беті 2007 жылдың наурызынан бастап түрлі-түсті болып жарық көруде. Жаңа беттер, айдарлар ашылуда. Сонымен қатар 2008 жылдың қазан айынан бастап студенттер қосымшасы болып, газет ішіндегі “Өркен” газеті жарық көреді. Бұл жастарға арналған газет қосымшасы үш айда бір рет оқырманмен қауышады. “Өркенде” негізінен тың тақырыптар, жастардың шығармашылығы, жастардың бастамасымен ұйымдастырылған іс-шаралар көрініс табады.
Басылымда жастарға арналған «Рух», «Жалын», «Кафедра», «Алаштан қалған асыл сөз», «Тұғыр», т.б. айдарлар аясында қалам ұстаған студенттердің шығармашылығы жарияланып отырады. Сонымен қатар «ҚазҰУ қыраны», «ҚазҰУ қызғалдағы» деген өзгеше айдарлар жұмыс істейді. Онда университеттің үздік студенттерінің ғылым мен білімдегі, спорттағы, қоғамдық жұмыстардағы жеткен жетістіктері баяндалады.
Газет 2011 жылдан бастап апта сайын жарық көреді.
Басшылары[өңдеу | қайнарын өңдеу]
Газет басшылығының тізгінін ұстаған редакторлар санатында Ш. Р. Елеукенов, А. Ф. Мархабаев, С. Қ. Қозыбаев, Д. Ы. Ысқақов, М. Т. Мұқашева, К. Қамзин, Қайрат Өмірбайұлы Сақ, Д. Смайыл сынды білікті ұстаздар, жазушылар, қоғам қайраткерлері бар. Сонымен қатар, 64 жылға жуық тарихы бар газет тізгінін ұстаған азаматтар баршылық.[1]
Айдарлар[өңдеу | қайнарын өңдеу]
| Тұрақты айдарлар | «Ақпарат» | ҚазҰУ–да және қоғамда болып жатқан жаңалықтар |
| «Қоғам» | ||
| «Тұғыр» | ||
| «Рух» | ҚазҰУ студенттерінің бастамалары | |
| «Жалын» | Ақындық, ұйымдастырушылық қабілеттерімен ерекшеленетін студенттер өз басылымдарын жариялап отырады | |
| «Қабілеттілік» | ||
| «Мейрам» | ||
| Жаңа айдарлар | «Супер студент» | ЖОО-да жан-жақты, биік жәрежеге жеткен, бірнеше байқаудың жеңімпаздары т.б. талаптар бойынша жеткен студенттер туралы жазылады |
| «Академиялық ұтқырлық» | Қос диплом бағдарламасы бойынша немесе басқа да гранттар бойынша шетелдік университеттерге білім алып келген, тәжірибеден өтіп келген студенттер, жас ғалымдар туралы айтылады | |
| «Маржан сөз» | ҚазҰУ-дағы ардагер ұстаздармен, Ардагерлер кеңесінің мүшелерімен, үздік оқытушылармен, тәжірибелі педагогтармен әңгімелесу түрінде | |
| «Сабақтан тыс» | педагогикалық стаж жоғары оқытушы-профессорлармен білім, ғылым және жастар мәселесі төңірегінде, тәрбие, адам капиталы барысында сұқбаттасу, интеллектуалды ұлт қалыптастыруға пікірін білу |
Тағы қараңыз[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ «Қазақ университеті» университеттік газеті Мұрағатталған 6 маусымның 2012 жылы.
Сыртқы сілтемелер[өңдеу | қайнарын өңдеу]
- Қазақ ұлттық университеті ресми сайты Мұрағатталған 16 маусымның 2011 жылы.