Қалампыршөп
Навигацияға өту
Іздеуге өту
Қалампыршөп | ||||||||
---|---|---|---|---|---|---|---|---|
Ғылыми топтастыруы | ||||||||
|
Қалампыршөп (лат. Holosteum) – қалампырлар тұқымдасына жататын бір жылдық шөптесін өсімдіктер туысы.
Өсетін жері мен таралуы[өңдеу | қайнарын өңдеу]
Қазақстанда тау беткейлері мен құрғақ далалық аймақтарда өсетін 2 түрі (шатырлы қалампыршөп және көпнекелі қалампыршөп) бар.
Ботаникалық сипаты[өңдеу | қайнарын өңдеу]
- Биіктігі 5-20 см, сабақтары біреу немесе бірнешеу болады.
- Тамыр түбінен шығатын жапырақтары эллипс немесе қандауыр тәрізді болып, сағағына қарай кішірейеді. Ал сабақ бойындағылары – қандауыр тәрізді (ұзындығы 1 – 2,5 см). Тостағанша және күлте жапырақшаларының саны бесеу.
- Гүлдері ақ немесе қызғылт түсті, олар қарапайым шатырша гүлшоғырына топталған.
- Наурыз – мамыр айларында гүлдеп, жемістенеді.
- Жемісі – ұзынша келген қорапша.
- Тұқымының пішіні бүйрек сияқты.
Емдік қасиеті[өңдеу | қайнарын өңдеу]
Өсімдіктің құрамында сапонин, флавоноид болады. Дәрілік өсімдік. Оның қайнатылған тұнбасын іш өткенде, энтероколитпен ауырғанда ішеді. Баспа, гингивит кезінде тамақты шайып, шиқан шыққанда, күйгенде, сызат түскенде жағады.[1]
Дереккөздер[өңдеу | қайнарын өңдеу]
- ↑ Қазақстан Республикасының табиғаты 3 том, 2 бөлім