Қаратал мұнай кен орны

Қаратал мұнай кен орны — Атырау облысы, Мақат ауданы, Доссор темір жол стансасының солтүстік-батысында 80 км жерде, Каспий маңы ойпатының шығыс бөлігінде орналасқан. Кен орны 1954-1960 жылдары барланып ашылған.

Геологиялық сипаты

• Кен орны 4 қанатты тұз күмбезді құрылымнан тұрады.
• Төменгі борда 360-443 м тереңдікте бір неокомапт мұнайлы қабаты бөлінген.
• Иірімнің биіктігі 13-15,6 м.
• Су-мұнай жапсары -355,6-400 м.
• Өнімді горизонт терригендік таужыныстардан түзілген, коллекторлары кеуекті.
• Қабаттарының мұнайға қаныққан қалыңдығы 2,6-3 м, ашық кеуектілігі 21,5% , өткізгіштігі 0,285 мкм² аралығында, мұнайға қаныққан коэффициенті 0,81.
• Мұнайдың шығымы 0,54 м³/тәулік, бастапқы қабаттың қысымы 3,65 МПа.

Химиялық құрамы

• Күкірті аз - 0,4%
• Парафині аз - 0,65%
• Шайырлылығы - 34%
• Хлоркальцийді қабат суларының тығыздығы 1110 кг/м³.