Қарағанды облысындағы байланыс

Уикипедия — ашық энциклопедиясынан алынған мәлімет
Навигацияға өту Іздеуге өту

Байланыс. 2004 ж. 20 қазанында Қазақстан Республикасы үкіметінің қаулысымен пошта-жинақ жүйесін 2005-2010 жылдарға дамыту бағдарламасы бекітілді. 2000 жылдан 2005 жылға дейін Қазақстандағы пошта саласын дамытуға 22 млн доллардай ақша салынды. Нәтижесінде компьютерлік кұрал-жабдықтар және кассалы техникамен жарақтандыру, байланыс бөлімшелерін күрделі-техникалық жайластыру, көлік паркін жаңарту, пошта байланысының аудандық және қалалық тораптарын спутниктік байланыспен қамтамасыз ету бойынша іс-шаралар жүргізілді.

2001 жылдан банк пен поштаның қосындысынан тұратын, пошта-жинақ жүйесі дами бастады. Сол кезден бастап дәстүрлі пошта қызметтерімен қатар төмендегідей банктік қызметтер көрсетіле бастады: ақшалай салымдарды қабылдау, басқа ұйымдардың пайдасына төлемдерді қабылдау және аудару, зейнетақы мен жәрдемақыларды жеткізу,еңбекақы төлеу, валюта айырбасы бойынша операциялар, қолма-қол ақшаны кассалау. 2005 жылы тұтас облыс бойынша тұрғын халыққа екінші деңгейлі банктермен агенттік келісім бойынша тұтынушылық кредит беріле бастады. 2006 жылы ұлттык KazCard төлем карточкасымен қызмет көрсету жобасы енгізілді. Төлем карточкасы ел ішінде қолма-қол ақшасыз төлемдерді іске асыру үшін тиімді төлем құралы болуы тиіс, ол қалың бұқара топтарына бағытталған және бөлшек саудадағы ұсақ төлемдер нарығын қамтуға мүмкіндік береді. Банкоматтар және Р08 терминалдар орнату жоспарланған, ол облыстың қалалары мен ауылдық аудандарында нақты уақыт режимінде ақшалай қаражатты зейнетақы, жәрдемақы, еңбекақы, стипендияны алушылардың карт-шотына есепке алуға жағдай жасайды. Соңғы жылдары Western Union ақша аударымдары, аудандық электрондық пошта, директ-маркетинг жаңа қызмет түрлері енгізілді, Интернетке ұжымдық қол жетудің орындары ашылды. 1996 жылы бастап енгізілген тағы да бір жаңа қызмет түрі пошта жөнелтілімдерін жылдамдатып жеткізу.

Жедел поштаның негізгі артықшылықтары жеткізудің ең аз мерзімі, сақталуына кепілдік, адресатқа дербес жеткізу. «ЕМS Kazpost» қызметі заңды және жеке тұлғаларға көрсетіледі. Қазіргі кезде Қарағанды облысы бойынша ЕМ8 - жөнелтілімдерді қабылдаудың 57 пункті қызмет етеді. Клиенттердің тұрғын жайында ЕМЗ — жөнелтілімдерді қабылдайтын, икемді топ ұйымдастырылған. Бір курьер орташа күн сайын 25-30 бірлік ЕМS- жөнелтілім жеткізеді. 2003 жылы ақпаннан ЕМS - жөнелтілімдерді қадағалаушы жүйе іске қосылды. Қадағалау бағдарламасы ақпараттарды шығатын және кіретін жөнелтілімдер бойынша тіркеуді қажет етеді. Барлық мәліметтер АҚ «Қазпошта» сайтында көрсетіледі және клиенттер үшін қолайлы. 2004 жылы желтоқсан айынан пошта байланыстары кызметіне барынша қол жетуі үшін сұрыптау бөлімі мен поштаны тасымалдау ғимаратында ЕМS- пакеттерді, партияларды, ірі көлемді сәлемсауқаттар қабылдау пункті ашылды. Бұл пошталық жөнелтілімдерді өткізудің, өңдеудің кезеңдерін қысқартуға мүмкіндік берді. Поштаны тасымалдау: қазіргі кезде поштаны сұрыптау мен тасымалдаудың Қарағанды бөлімі жылына мерзімді басылымдардың 24 млн данасын, 170 мың сәлемсауқат пен кіші пакеттер, 7 млн бірлік хат- хабарларды өңдейді.

Ауыл поштасы бойынша 2005 ж. 1 желтоқсанынан Қазақстанда алғашқы рет Қарағанды облысының Ақжал кентінде жаңа типтегі пошта байланысының бөлімшесі ашылды. Қазір ауылдағы пошта коммерциялық емес, көбінесе әлеуметтік қызмет атқарады. Енді клиентке пошта байланысының бөлімшесінде әр түрлі кешенді қызмет көрсетіледі, бұл бұрынғы көзқарастар бойынша пошта үшін сәйкес емес қызметтер. Ақжалдың жаңа ПББ Қазақстанның ауылдық поштасы үшін алғашқы «қарлығашы» болып табылады. 2010 жылға дейін Қарағанды облысында осындай 13 пошта бөлімшесін салу жоспарлануда. «Қазақтелеком» АҚ филиалы болып табылатын Қарағанды коммуникация дирекциясы 5 қалалық және 7 аудандық телекоммуникация тораптарын біріктіреді. Қарағандыда 2001 жылы жаңа 80Н технологиясы мен талшықты-оптикалық байланыс желісі негізінде қалалық телекомммуникация торабы іске қосылды. Бұл байланыс сапасын жақсартып қана қоймай, ақпараттың барлық түрімен, соның ішінде бейне ақпарат таратуға және мультимедия қызметі түрлерімен қамтамасыз етуге жағдай жасады. Қарағанды ОТД жүйесінде 287 АТС, соның ішінде қалалық телефон стансасы торабында 116 АТС жұмыс істейді, мұның 94-і цифрлы қондырғы. 171 селолық АТС-тың 49-ы цифрлы, 117-сі «Крокус Ком» фирмасының электронды жабдықтарымен жарақталған. Кейінгі жылдары Қарағандыда 5362 нөмірлі АТС—770, 774,775,779, Балқашта 3584 нөмірлі АТС—65 іске қосылды. 2006 ж. 1 сәуірге телефондандыру деңгейі облыс бойынша 72,05%-ды (қалаларда 74,7%, селолык жерлерде — 44,8%) кұрады. Ақтоғай ауылы, Молодежный, Киевка кенттерінде АТС-ты жаңарту жұмыстары басталды.Облыста 508 ауылдық елді мекеннің 438-і телефон байланысына қосылған.

Облыстың байланыс мекемелері тұрғындарға телефон, телеграф, факс, радиофикацияның техникалық кұралдарын, телевизия хабарларын таратуды қамтамасыз етеді.[1]

Дереккөздер[өңдеу | қайнарын өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5