Қозғалтқыш-генератор

Қозғалтқыш-генератор, генератор-қозғалтқыш, қозғалтқыш-генератор жүйесі – реттелетін электр жетегі; мұндағы тұрақты ток қозғалтқышы жеке генератордан қоректенеді; ал бұл генератор (тәуелсіз қоздыруы бар) бірінші реттік қозғалтқыш (әдетте элtrnhj қозғалтқыш) көмегімен айналысқа түседі. Қозғалтқыш-генератор генератор кернеуінің өзгерісі арқылы электро жетегінің бұрыштық жылдамдығының реттелуін қамтамасыз етеді. Электро жетегі параметрлерін реттеу үшін қоздыру орамдарын қоректендіретін магниттік күшейткіштер немесе тиристрлік түрлендіргіштері бар автоматты реттеу жүйесі қолданылады. Қозғалтқыш-генератор қуаты ондаған МВт-қа жететін аса күрделі жетектерде (қақтау стандары, шахталық көтеру қондырғылары, қағаз жасау машиналары), металлургия өндірісінде (электролиттік ванналарды қоректендіруде), тағыда басқа қолданылады. Бөліктерінің айналмалылығына байланысты қозғалтқыш-генератор, қазір тиімді және сенімді шала өткізгіштік түрлендіргіштерімен алмастырыла бастады.