Қонақ тары

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қонақ тары
Қонақ тары.jpg
Ғылыми топтастыруы
Дүниесі: Өсімдіктер
Тұқымдасы: Астық тұқымдасы
Тегі: Echinоchloa
Түрі: Қонақ тары
Екі-есімді атауы
Echinоchloa crus-gаlli
L.

Қонақ тары немесе Баттауық. немесе Ит қонақ, немесе Қарабас шөп (лат. Echinоchloa crus-gаlli)[1] - астық тұқымдасы итқонақтар туысына жататын бір жылдық өсімдік.

Ботаникалық сипаты[өңдеу]

Echinochloa crus-galli — Flora Batava — Volume v6.jpg
  • Биіктігі 10 см-ден 120 см-ге дейін жетеді.
  • Сабағы түбінен бастап бұтақталған, домалақ сабан сабақты.
  • Жапырағы жалпақ таспа тәрізді, тілшесіз, жиегі өткір бұдырлы.
  • Масағының қос жынысты жұмыртқа тәрізді бір гүлі болады, сағақсыз немесе қысқа гүлсағақты.
  • Гүлшоғырының ұзындығы 20 см-дей сыпыртқыгүл.
  • Масағының ұзындығы 3 мм-дей, қатты түкті қабыршағы бар.
  • Жемісі - сопақша келген дәнек, ұзындығы 2-3 мм, ені 1,2-1,25 мм.

Көбеюуі[өңдеу]

Маусым-қыркүйек айларында гүлдейді, тамыз-қыркүйек айларында піседі. Тұқымынан көбейеді. Дәні құстарға азық ретінде қолданылады.

Өсу ареалы[өңдеу]

Қазақстанның барлық жерінде егістіктерде және бау-бақшаларда өседі.

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5