Ғұсман Сыйттықұлы Қосанов

Уикипедия — ашық энциклопедиясынан алынған мәлімет
(Қосанов Ғұсман Сыйттықұлы бетінен бағытталды)
Навигацияға өту Іздеуге өту
Жеңіл атлетика Ғұсман Сыйттықұлы Қосанов
Жеке мағлұматтар
Туған күні

25 мамыр 1935 (1935-05-25)

Туған жері

Изатулла ауылы, Белағаш ауданы, Шығыс Қазақстан облысы, Қазақ АКСР

Қайтыс болған күні

19 шілде 1990 (1990-07-19) (55 жас)

Азаматтығы

 КСРО

Бойы

175 см

Салмағы

68 кг

IAAF

14350017

Үздік нәтижелері
Марапаттар
Men’s athletics
Олимпиада ойындары
Күміс Рим 1960 эстафета

Ғұсман Сыйттықұлы Қосанов[1](25 мамыр 1935, Изатулла ауылы, Белағаш ауданы, Шығыс Қазақстан облысы, Қазақ АКСР13 маусым 1990, Алматы) — жеңіл атлетикадан КСРО-ның еңбек сіңірген спорт шебері (1964). Арғын тайпасының Қаракесек руының Жалықбас бұтағынан шыққан.[2]. Қазақ мемлекеттік дене тәрбиесі институтын бітірген (1965). 4x100 метрлік эстафеташылар жарысынан 17-Олимпиялық ойындардың күміс жүлдегері (Рим, 1960), КСРО чемпионатының 4x100 метрлік эстафеташылар жарысының жеңімпазы (Киев, 1960), 100 метрге жүгіруден КСРО чемпионатының күміс жүлдегері (Днепропетровск, 1966), КСРОАҚШ матчының 4x100 метрлік эстафеташылар жарысының жеңімпазы (Киев, 1965) болды. 1967 жылдан жаттықтырушылық қызметпен айналысып, 1968 жылы Қазақстанның еңбек сіңірген бапкері атағына ие болды. Еңбек Қызыл Ту орденімен, медальдармен марапатталған. Қосанов құрметіне арналған жеңіл атлетикадан «Қосанов Мемориалы» атты халықаралық жарыс 1991 жылдан бастап өткізіліп келеді.

Ғұсман Қосанов Лос Анжелес қаласында АҚШ пен КСРО арасында өткен «Гиганттар додасы» атты жарыста басынан кешкен бір өкінішін былай баяндайды. «...Аяқ тірейтін тіреуішімді қапелімде таба алмай қалдым. Бір жігіттің тіреуішін алуға тура келді. Апыл-ғұпыл асығыс қақтым да, жігіттердің қатарына бардым... Пистолеттің жағымсыз үні құлағымның түбінен шықты. Ілкі ілгері ұмтылдым. Сол кезде тіреуіш орнынан босап, кейін кетіп қалды да, жанымдағылардан 3–4 метр қалып қойдым. Соның өзінде жетуге тырыстым. Бірақ 100 метрлік қашықтықта екі-үш метріңіздің өзі жеткізбейтін дүние». Ғұсман марқұм өкінішін осылай жеткізеді...

Дереккөздер[өңдеу | қайнарын өңдеу]

  1. «Қазақ энциклопедиясы», VI-том
  2. «Қаракесек шежіресі», екінші том, Павлодар, «ЭКО» ЖШС баспаханасы, Т.А. Еңсебаев . Кітаптың таралымы – 500 дана. 2017

Тағы қараңыз[өңдеу | қайнарын өңдеу]

Алданыш Рамазанқызы