Қызыл крест және қызыл ай халықаралық қозғалысы
 The Red Cross and Red Crescent emblems, the symbols from which the movement derives its name. |
|
| Құрылған күні | 1863 |
|---|---|
| Орналасқан жері | Geneva, Switzerland |
| Қызмет аясы | Worldwide |
| Саласы | Humanitarian |
| Method | Aid |
| Сайты | redcross.int |
Қызыл крест және қызыл ай халықаралық қозғалысы. Халықаралық Қызыл Крест қозғалысы. Құрамдас 3 бөліктен тұрады: 1) Қызыл Крестхалықаралық комитеті — бейтарап және ерікті гуманитарлық ұйым.
1863 жылы құрылған. Бұл ұйым Женева конвенциясы бойынша өз күшін халықаралық қақтығыстар немесе елдегі ішкі толқулар мен қарулы қақтығыстар құрбандарын қорғауды қамтамасыз етуге және оларға көмек беруге бағыттайды. Ол Женева конвенциясына қатысушы мемлекеттерге көмек көрсетеді, халықаралық гуманитарлық көмек жағдайларын әрбір елдің ұлттық заңына үйлестіру және халықаралық гуманитарлық құқық туралы білімді тарату шараларын ұйымдастырады. Қарулы қақтығыстар кезінде бейтараптық танытып, қарсылас жақтарға тек гуманитарлық, медициналық көмек көрсетеді. Штаб-пәтері Женева қаласында орналасқан, дүние жүзінің 50-ден астам елінде өкілдіктері бар. Қызыл крест және қызыл ай халықаралық қозғалысының конференциясы 4 жылда 1 рет шақырылады. 2) Қызыл Крест және Қазақстан Республикасының Ұлттық Қызыл жарты ай қоғамының халықаралық федерациясы (ҚК және ҚАҚХФ), бейбіт уақытта ірі табиғи және техногендік апат, індет, жұмыссыздық пен мұқтаждық көрген адамдар санының өсуіне байланысты әлеуметтік дағдарыс жағдайында ұлттық қоғамдардың гуманитарлық қызметтерінің барлық түрін қолдау және жеңілдету мақсатында құрылған 1919 жылы.
Штаб-пәтері Женева қаласында орналасқан, оған әлемнің 74 елі мүше. 3) Қызыл Крест және Қызыл Ай қоғамының ұлттық қоғамдары (ҰҚ), соғыс немесе бейбіт жағдайда өз мемлекетінің қосымша қоғамдық ұйымдары ретінде қызмет көрсетеді. Ұлттық қоғамның 1-ші міндеті — соғыс, т.б. төтенше жағдай құрбандарына көмек көрсету, бейбіт уақытта осы жағдайларға дайындық жасау (еріктілерді таңдау, оқыту, әр түрлі бағдарлама жасау, т.б.). Медисиналық, сауықтыру, санитарлық-ағарту, халықаралық гуманитарлық көмекті тарату, тұрғын халықтың мұқтаж топтарын, оның ішінде босқындар мен оралмандарды қолдау, т.б. іс-шаралар оның дәстүрлі бағдарламалары болып табылады. [1]
[өңдеу] Дереккөздер
- ↑ Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет.
Мақаланы безендіру нұсқаулығына сәйкес көркемдеңіз.
|
