Қымбат Айдарқызы

Уикипедия — ашық энциклопедиясынан алынған мәлімет
Навигацияға өту Іздеуге өту

Қымбат Айдарқызы(19.03. 1946 ж.т., ҚХР, Алтай аймағы, Буыршын ауданы Қатай ауылы) — биші, Бүкілқытайлық 1-дәрежелі биші (1976).

Көктоғай ауданындағы мектепте оқып жүрген кезінде Алтай аймағында өткен би байқауында қазақтың “Қара жорға” биін орындау шеберлігімен ерекше көзге түскен. Осыдан кейін Алтай аймақтық көркемөнерпаздар үйірмесіне қабылданып, 1959 жылдан бастап әуелі биші-артист, одан соң режиссер әрі көркемдік жетекші қызметін атқарды. Қымбат Айдарқызы 70-ке тарта жеке және 4 операға арналған би қойды. Олардың қатарында: “Сахара жібек жолы”, “Оюлы сырмақ”, “Күзем”, “Шебер қыздар”, “Қызқуар”, “Жезтырнақ”, “Үкілі ару”, “Жібек арқан”, “Бір сәукеле”, “Жас келін”, “Алтай жақсы жер”, “Жылқышы қыз”, т.б. билер бар. Қымбат Айдарқызы би жайында “Бақсы ойыны мен бидің қатынасы” және “Көш жолында” биінің желісі туралы” зерттеу еңбектерін жазды. “Қазақтың ұлттық биі” атты еңбегі “Қытай көркемөнері сөздігінде” жарияланды. Түркияда өткен халықар. фестивальдің лауреаты атанды (1991). Қымбат Айдарқызы “Құдаша” биі үшін Қытай Мемлекеттік сыйлығына ие болды (1992).[1][2]

Дереккөздер[өңдеу | қайнарын өңдеу]

  1. Қазақстан Энциклопедиясы
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8