Үй (өзен)

Үй өзені
Сипаттамасы
Ұзындығы	462 км
Су алабының ауданы	34400 км²
Су ағысы
Бастауы	Орал тауының шығыс беткейі
• Орналасқан жері	Азнашево селосы тұсы (Ресей)
• Координаттары	54°44′11″ с. е. 59°30′23″ ш. б.54.73639° с. е. 59.50639° ш. б. / 54.73639; 59.50639
Сағасы	Тобыл өзені
• Орналасқан жері	Қаражар ауылынан 10 км жоғары
• Координаттары	54°17′51″ с. е. 63°58′39″ ш. б.54.29750° с. е. 63.97750° ш. б. / 54.29750; 63.97750
Орналасуы
Ел	Қазақстан,  Ресей

Үй – Тобыл алабындағы өзен.

Географиялық орны

Қазақстанда Қостанай облысы Қарабалық ауданындағы жерімен ағады. Ұзындығы 462 км. Су жиналатын алабы 34400 км² (оның 5500 км²-і Қазақстанда).

Бастауы

Бастауы Башқұртстан (Ресейден) жеріндегі Азнашево селосы тұсынан (Орал тауының шығыс беткейі) басталып, Қаражар ауылынан 10 км жоғары Тобыл өзеніне құяды. Қостанай облысы жеріндегі ұзындығы 235 км.

Гидрографикасы

Ең ұзын саласы - Тоғызақ өзеннің оң жағалауы бұйратты жазық. Үй өңіріндегі жердің жартысынан артығы егістік. Аңғарының ені Новоукраинка ауылына дейін 1,8 — 3,0 км, қалған бөлігінде 4 — 6 км. Жайылмасы бас жағында 60 — 80 м, төменгі ағысында 2,0 — 3,2 км. Жауын-шашын суымен толысады. Суы көктемде, жазда тұщы, сәл кермек, ауыз суға жарамды. Минералдылығы көктемгі су тасу кезеңінде 200 — 400 мг/л-ден жазда 600 — 700 мг/л-ге, қыста 1200 — 1400 мг/л-ге дейін өзгереді. Арнасынан су жыл бойы ағады. Жылдық орташа су өтімі Троицк қаласының тұсында секундына 11,0 м³. Суының орташа көп жылдық лайлылығы жоғарғы ағысынан 30 — 50 г/м³-ден төменгі ағысында 100 — 200 г/м³-ге дейін өзгереді. Суы егін, мал суаруға, елді мекендер тұрғындарының қажеттігіне пайдаланылады.