Үлкенмүйізді бұғы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Үлкенмүйізді бұғы
Қазбалық ауқымы: Middle Pleistocene to Early Holocene
Қаңқасы
Қаңқасы
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Жұптұяқтылар
Тұқымдасы: Cervidae
Тегі: Megaloceros
Түрі: †M. giganteus
Екі-есімді атауы
†Megaloceros giganteus
(Blumenbach, 1799)
Синонимдері

†Megaceros giganteus
†Megaloceros giganteus giganteus

Үлкен мүйізді бұғы, алып бұғы, Ирландия бұғысы (лат. Megaloceros giganteus) — бұғылар тұқымдасына жататын жойылып кеткен жануар. Плейстоценнің 2-жартысында (шамамен 400 мың жыл бұрын) Еуразияның солтүстік аймақтарында тіршілік еткен. Үлкенмүйізді бұғының қаңқа қалдықтары Ирландияның шымтезекті жерлерінен көп табылған. 1920 ж. Ресейдің Рязань облысында толық қаңқа сүйегі табылған. Қазақстанда табылған қаңқа сүйектеріне қарағанда Павлодар, Ақмола және Шығыс Қазақстан облыстарында тіршілік еткен. Дене бітімі ірі, биіктігі 2 м-дей, мүйізі үлкен, бірнеше ұшты, күректәрізді жалпақ, екі мүйізінің арасы 3 м-ден артық болған. Бас қаңқасының, тісінің және аяғының құрылысына қарағанда, ылғалы мол, шабындықты жерлерді мекендеген. Ғалымдардың зерттеуі бойынша, бұлардың мекендеген аймағы солтүстікте 50 с. е-тен жоғары және оңтүстікте ылғалды субтропиктік аймаққа тарамаған. Үлкенмүйізді бұғы мамонттармен бірге тіршілік еткен жануарлар тобына жатады.[1]

Үлкенмүйізді бұғы

Пайдаланған әдебиет[өңдеу]

  1. Қазақ Энциклопедиясы, 9 том