Үндістан түбегі

ҮНДІСТАН ТҮБЕГІ, Үндістан — Оңтүстік Азиядағы түбек. Жер аумағы 2 млн. км2.

Геология

Батысында Арабия теңізімен, шығысында Бенгал шығанағымен шайылады. Жағалауы аласа, аз тілімденген. Үндістан түбегінде Үндістанның көп бөлігі, Пәкстан және Бангладештің біраз бөлігі орналасқан. Түбектің көп бөлігін аласа Декан таулы үстірті алып жатыр. Үндістан түбегінде темір және марганец кентастары, алтын, түсті металдар, графит, сирек металдар, тас көмір, мұнай, т.б. кен орындары бар.

Климат

Климаты субэкваторлық, муссондық. Орташа температура қаңтарда 21 — 29С, мамырда 40С-қа дейін. Жылдық жауын-шашын мөлшері 700 — 3000 мм (90%-ы жазғы муссон жаңбырына келеді).

Гидрология

Өзендері — Нарбада, Тапти, Маханади, Годовари.

Өсімдіктер әлемі

Тропиктік қызыл және қара топырақта муссондық орман, саванна өседі.

Ірі қалалары — Бомбей, Дакка, Мадрас, Хайдарабад, Калькутта.

Сілтемелер

"Қазақ Энциклопедиясы", 9 томКатегория:Геология