Үндіқытай түбегі

Үндіқытай 1886 жылы

ҮНДІҚЫТАЙ ТҮБЕГІ, Оңтүстік-Шығыс Азияда. Ауданы 2 млн. км2. Батысында Бенгал шығанағы, Андаман теңізі және Малакка бұғазымен, шығысында Оңтүстік Қытай теңізі, Сиам және Бакбо шығанақтарымен қоршалған. Үндіқытай түбегінде Вьетнам, Таиланд, Камбоджа, Лаос жері және Малайзия мен Мьянманың біраз бөлігі орналасқан. Аумағының көп бөлігі таулы, жоталар негізінен бойлық бағытта орналасқан. Батысында қатпарлы-жақпарлы Аракан тауы (Виктория тауы, 3053 м), орталық бөлігінде Шан таулы қыраты және Танентаунджи жотасы, шығысында Чыонгшон тауы, оңтүстігінде Корат үстірті және аллювийлі Иравади, Менам және Камбоджа жазықтары жатыр. Климаты субэкваторлық,

Үндіқытай: Қою жасыл: әрқашан қосылған, ақшыл жасыл: әдетте қосылған, қызыл: кейде қосылады.
Үндіқытай аймағы (биология): қою және ақшыл жасыл.

экваторлық. Орташа температура қаңтарда 20 — 26С, шілдеде 27 — 29С. Жылдық жауын-шашын мөлшері 1000 — 3000 мм. Ірі өзендері Иравади, Салуин, Менам-Чао-Прая, Меконг. Тропиктік орман және саванна өседі. Қалайы және вольфрам кентастарының дүние жүзіндегі ең ірі қоры шоғырланған.

Сілтемелер

"Қазақ Энциклопедиясы", 9 томҮлгі:Asia-stub