Маргарет Ми

Уикипедия — ашық энциклопедиясынан алынған мәлімет
Навигацияға өту Іздеуге өту
Маргарет Ми
ағылш. Margaret Mee
Туған кездегі есімі

ағылш. Margaret Ursula Mee

Туған күні

22 мамыр 1909 (1909-05-22)

Туған жері

Англия, Чэшем

Қайтыс болған күні

30 қараша 1988 (1988-11-30) (79 жас)

Қайтыс болған жері

Англия, Сигрейв

Азаматтығы

 Ұлыбритания

Маргарет Урсула Ми (ағылш. Margaret Ursula Mee, 1909 ж. 22 мамыр1988 ж. 30 қараша) — Амазон ормандарындағы өсімдіктерді салумен айналысқан британдық суретші. Ол Амазон ойпатындағы пайдалы қазбаларды өндіру жəне орасан зор алқаптардағы ағаштарды шабуға қоғамның назарын аударған алғашқы табиғат қорғаушыларының бірі болды.

Жас кезі[өңдеу | қайнарын өңдеу]

Маргарет Урсула Браун 1909 жылы Англияның Уайтхтилл аймағының Чешэм елді мекенінде дүниеге келген. Амершэмдегі дəрігер Коллонердің Грамматика мектебінде оқиды, кейін Уотфордтағы "Өнер, ғылым жəне сауда мектебіне" түседі. Оқуын аяқтамай жатып, Маргерет білім алуды шетелде жалғастыруға бел буады.

1933 жылы Маргарет Берлинге сапарға барып, Рейстахты өртеу жəне еврейлердің неміс тауарларын қолданудан бас тартуының куəгері болады. Бұл оның саяси көзқарастарының өзгеруіне алып келеді. Екінші Дүниежүзілік Соғыс кезінде Маргерет Хатфилдтағы де Хэвиленд елді мекенінде орналасқан авиациялық зауыттың сызушысы болып жұмыс істеді.

Жеке өмірі[өңдеу | қайнарын өңдеу]

Екі рет үйленген. Бірінші күйеуі — Реджинальд Брюс Бартлетт (ағыл. Reginald Bruce Bartlett), 1936 жылы үйленген. Күйеуіне еріп, Маргарет кəсіподақ қозғалысының белсенді мүшесі болып, Ұлыбританияның Комунисттік партиясына кірді.1937 жылы Кəсіподақтар Конгресіне қатысып, мектеп бітіру жасын ұлғайтуды ұсынды. Осыдан кейін Эрнест Бевиннан жұмысқа қабылдауға ұсыныс алады, бірақ оны қабылдамайды.

Бартлет екеуінің тіл табыса алмауының нəтижесінде 1943 жылы олар ажырасу жайлы келісімшартқа қол қойды.

1940 жылдардың соңында Маргарет Лондондағы Қасиетті Мартин атындағы Өнер мектебінің студенті Гревилл Миға үйленеді.

Суретші мансабы[өңдеу | қайнарын өңдеу]

Бразилиадағы Маргарет Ми атындағы саябақтағы Guarianthe bowringiana

Соғыстан кейін Маргарет Қасиетті Мартин атындағы Өнер мектебіне түседі. 1950 жылы Кембервель өнер жəне қолөнер мектебіне түседі. Осында ол өзінің сурет салу стилін қалыптастырып, сурет өнері жəне дизайн факультеттерінің ұлттық дипломын алды.

1952 жылы Маргарет Ми күйеуімен бірге Сан-Паулудағы мектептегі балаларға білім беру үшін Бразилияға көшеді. 1956 жылы ол алғашқы рет Беленге, Амазон ойпатындағы елді мекенге экспедицияға аттанады. Одан кейін 1958 жылы Ми Сан-Паулу қаласындағы Ботаника институтына ботаникалық суретші болып жұмысқа орналасады. Осында ол жаңбырлы ормандарды зерттеп, 1964 жылы Амазонас штатына назарын аударады. Өсімдіктердің суреттерін салумен қатар, иллюстрацияларда қолдану мақсатымен ғылымға таныс емес өсімдіктерді жинайды. Мидің еңбектерінің қатарына 400 фолио суреттер мен гуашьпен салынған суреттер, 40 сурет дəптері мен 15 күнделік кіреді.

1964 жылы Маргарет Ми Вашингтонға, 1968 жылы Англияға қысқамерзімді сапарға барып, "Flowers of the Brazilian Forests" кітабын таныстырып, өз жұмыстарының көрмесін өткізеді. Осыдан кейін ол Бразилияға барып, Амазон ормандарын шабуға қоғамның назарын аударту мақсатында өткізілген қарсылық науқандарына қатысады.

Қаза болуы[өңдеу | қайнарын өңдеу]

Ми 1988 жылдың 30 қарашасында Англияның Лестершир графтығындағы Сигрейв елді мекенінде болған жол көлігі оқиғасының нəтижесінде дүниеден өтті. Осы кезде ол 79 жаста еді. 1989 жылдың қаңтарында Маргаретті еске алу кеші Кью Бақшаларында өткізілді.

Марапаттары[өңдеу | қайнарын өңдеу]

1976 жылы бразилиялық ботаникаға қосқан үлесі үшін Маргарет Миға Британия империясының ордені берілді. 1986 жылы ол Линнеей қоғамының мүшесі атанады. Маргерет Ми 1975 жылы өз еңбегі үшін Рио-де-Жанейро қаласының құрметті азаматы атағын, ал 1979 жылы Оңтүстік крест орденін алды. Оның атымен Амазониялық қор аталған, оның негізгі міндеті Амазон өсімдіктерінің зерттеуін жалғастыру болып табылады.

1990 жылы Маргарет Мидің қоршаған ортаны қорғаудағы еңбегі БҰҰ-ның мойындауына ие болды. Оның есімі Қоршаған ортаны қорғау бағдарламасының абыройлы есімдерінің қатарына қосылды.

1956 жылдан 1988 жылға дейін жүргізілген Маргарет Мидің күнделіктері 2004 жылы басылып шығарылды. Жинаққа Амазон ормандарындағы экспедиция кезінде жиналған иллюстрациялар да қосылды. Оның иллюстрацияларының басым бөлігі Кью Бақшаларының қатарына қосылды.

Таңдаулы кітаптары[өңдеу | қайнарын өңдеу]

  • Mee Margaret Flowers of the Brazilian Forests. — The Tryon Gallery, 1968. — ISBN B00116RHJO. Mee, Margaret Smith, Lyman Bromélias brasileiras. — Barnes, 1969. — ISBN 0-498-06887-0.
  • Mee Margaret Margaret Mee in Search of the Amazon Forests: Diaries of an English Artist Reveal the Beauty of the Vanishing Rainforests. — Woodbridge: Nonesuch Expeditions, 1988. — ISBN B000U8X9UK.
  • Mee, Margaret Stiff, Ruth Margaret Mee: Return to the Amazon. — Natural Wonders Press, 1997. — ISBN 1-905377-06-1.
  • Mee Margaret Flowers of the Amazon. — Pomegranate Europe Ltd, 1998. — ISBN 1-56640-043-0.
  • Mee Margaret The Flowering Amazon: Margaret Mee Paintings from the Royal Botanic Gardens, Kew. — Natural Wonders Press, 2006. — ISBN 1-905377-06-1.

Дереккөздер[өңдеу | қайнарын өңдеу]