Оскар Дела Хойя

Оскар Де Ла Хойя (ағылш. Oscar De La Hoya; 4 ақпан 1973, Монтебелло, Калифорния, АҚШ) — американдық кәсіпқой боксшы, бірінші орта салмақта өнер көрсеткен. 1992 жылғы Олимпиаданың 60 килограммға дейінгі чемпионы. Екінші жартылай жеңіл салмақтағы (WBO тұжырымы, 1994), лёгкой (WBO тұжырымы, 1994— 1995; IBF тұжырымы, 1995), бірінші жартылай орта (WBC тұжырымы, 1996— 1997), жартылай орта (WBC тұжырымы, 1997— 1999), бірінші орта (WBC тұжырымы, 2001— 2003 және 2006— 2007; WBA тұжырымы, 2002— 2003) және орта (WBO тұжырымы, 2004) салмақ дәрежелері бойынша әлем чемпионы. Лақап аты — «Алтын бала» (Golden Boy). 2009 жылы 15 сәуірде Лос-Анджелестегі пресс-конференцияда кәсіпқой боксшы ретіндегі мансабын аяқтайтынын мәлімдеді. Оның қатысуымен өткен айқастарды теле-гиганттар 696,000,000 $ қаражатқа сатып алған. Сондықтан ол қазіргі уақытта кәсіпқой бокс тарихындағы ең төлемі жоғары боксшы болып саналады (ол дебютті айқасында 200 мың $ тапқан — мұндай ақшаға чемпиондардың қолы жете бермейтін). Golden Boy Promotions промоутерлік компаниясының негізін қалаған. Әнші Милли Корретхерге үйленген.