Ростоу Уолт Уитмен

Уикипедия — ашық энциклопедиясынан алынған мәлімет
Навигацияға өту Іздеуге өту
Уолт Уитмен Ростоу

Уолт Уитмен Ростоу (Rostow) (7 қазан. 1916, Нью-Йорк - 13 ақпан. 2003, Остин) — американ экономисі. Йель және Оксфорд университеттерінде білім алған. 1942 — 45 ж. 2-дүниежүзілік соғысқа қатысты. 1940 — 41, 1946 — 47, 1949 — 60 ж. АҚШ пен Ұлыбританияның бірқатар жоғары оқу орындарында оқытушы; 1945 — 46, 1947 — 49, 1961 — 69 ж. мемлекеттік қызметте болды. 1969 жылдан Остиндегі Техас университетінде экономика профессоры болды, 1960 ж. экономикалық өрлеу сатыларының теориясын тұжырымдады. Онда Ростоу өрлеудің негізгі бес сатысын атап көрсетеді. Олар: дәстүрлі қоғам; шарықтау үшін алғышарт жасау кезеңі; шарықтау; кемелдікке бет алу; жоғары деңгейде жаппай тұтыну дәуірі. Мұнда техниканың даму деңгейі, шаруашылықтың салалық құрылымы, тұтыну құрылымы, т.б. негізгі техникалық-экономикалық сипаттамалар таразыланды. Өзінің кейініректе жазған “Саясат және өрлеу сатысы” атты еңбегінде (1971) Ростоу өрлеу сатысына тұрмыс сапасын іздеудің алтыншы сатысын қосады, мұнда адамның рухани дамуы алдыңғы орынға шығарылады. Қоғамның әлеуметтік өрлеу проблемаларымен айналыскан.[1][2] [3][4][5][6]

Дереккөздер:[өңдеу | қайнарын өңдеу]

  1. Қазақ энциклопедиясы, 7 - том
  2. The process of ekonomіc growth, N. Y., 1952;
  3. The stages of economіc growth, 2 ed., Camb., 1971;
  4. Polіtіcs and the stages of growth, Camb., 1971;
  5. The dіffusіon of power, N. Y., 1972.
  6. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7