Семён Алексеевич Лавочкин
Семён Алексеевич Лавочкин (29. 8 (11. 9). 1900, Смоленск,—9. 6. 1960, Мәскеу) — кеңес авиаконструкторы, КСРО ғылым академиясының корр. мүшесі (1958), инж.-тех. қызметтің ген.-майоры (1942), Соц. Еңбек Ері атағын екі рет алған (1943[1], 1956).
Өмірбаяны[өңдеу | қайнарын өңдеу]
1927 ж. Москваның (қазір Н. Э. Бауман атынд.) жоғары тех. училищесін бітірді. 1935 жылдан ұшақ жасау саласының бас конструкторы. Оның басшылығымен жасалған «ЛаГГ-3», «Ла-5», «Ла-7» ұшақтары Ұлы Отан соғысы жылдарында өте жоғары бағаланды. Кеңес Одағының Батыры атағын үш рет алған И. Н. Кожедуб Лавочкиннің басшылығымен жасалған ұшақтармен жаудың 62 ұшағын жойды. Лавочкин соғыстан кейінгі жылдары реактивтік авиац. техникасын дамытуға өз үлесін қосты. Ол тұңғыш рет біздің елде дыбыстың таралу жылдамдығынан шапшаң ұшатын ұшақты жасады. 3—5 сайланған КСРО Жоғ. Кеңесінің депутаты.
Марапаттары[өңдеу | қайнарын өңдеу]
КСРО Мемл. сыйлығының лауреаты (1941, 1943, 1946, 1948). 3 рет Ленин орденімен және басқа орден, медальдармен марапатталған.[2]
Дереккөздер[өңдеу | қайнарын өңдеу]
- ↑ Указ Президиума Верховного Совета СССР «О присвоении звания Героя Социалистического Труда товарищу Лавочкину С. А.» от 21 июня 1943 года // Ведомости Верховного Совета Союза Советских Социалистических Республик : газета. — 1943. — 3 июля (№ 24 (230)). — С. 1
- ↑ Қазақ энциклопедиясы