Стивен Спилберг

Стивен Спилберг
Steven Spielberg
Спилберг San Diego Comic-Con-да, 2017 жылы
Жалпы мағлұмат
Туған кездегі есімі	Стивен Аллан Спилберг
Туған күні	18 желтоқсан 1946 (1946-12-18) (77 жас)
Туған жері	Цинциннати, Огайо, АҚШ
Азаматтығы	АҚШ
Мамандығы	режиссёр сценарийші кинопродюсер
Белсенді жылдары	1959 жылдан
Бағыты	Жаңа Голливуд
Марапаттары	«Оскар» (1994 — екі мәрте, 1999) Ирвинг Тальберг атындағы жүлде (1987) «Алтын глобус» (1994, 1999, 2008) BAFTA (1986, 1994 — екі мәрте, 2009) Үздік сценарий үшін Канн кинофестивалінің жүлдесі (1974) «Сезар» (1995)
IMDb	ID 0000229
Стивен Спилберг Ортаққорда

Стивен Аллан Спилберг (ағылш. Steven Allan Spielberg; 18 желтоқсан, 1946, Цинциннати, Огайо, АҚШ) — атақты американдық кинорежиссёр, сценарийші және продюсер. «Жаңа Голливуд» дәуірінің негізгі қайраткерлерінің бірі. Заманауи блокбастердің ізашары және әлемдік кино тарихындағы ең табысты коммерциялық режиссер. «Оскар» марапатының үш дүркін және «Алтын глобус» марапатының он дүркін иегері. Спилберг режиссурадан басқа «Amblin Entertainment» және «DreamWorks Pictures» компанияларының негізін қалаушылардың бірі болып табылады. Режиссердің кейбір жұмыстары барлық уақыттағы ең көп ақша тапқан фильмдердің қатарына кіреді. Режиссердың жеті фильмін АҚШ Конгресс кітапханасы "ерекше мәдени, тарихи немесе эстетикалық маңызы бар" фильмдердің Ұлттық тізіліміне енгізді.

Өмірбаяны

Стивен Спилберг (Steven Spielberg) - Америка продюсері, режиссер, сценарийші, актер, монтаждаушы. Толық аты - Стивен Аллан Спилберг (Steven Spielberg). Спилберг актер Ричард Дрейфусс — оның альтер-эгосы екенін айтып келеді.

Спилберг Цинциннатиде еврей отбасында дүниеге келген. Әкесі Арнольд Спилберг инженер, анасы Леи Адлер кәсіби күйсандықшы болған. Анасы төрт баласы - Стивен, Энн, Сью және Нэнсиді тәрбиелеу үшін карьерасын тастайды.

Әкесі Стивенге 8 миллиметрлік кинокамераны сыйға тартқаннан бастап, ол кино түсіруге ден қоя бастады. Бірнеше айдан соң Стивен қысқаметражды фильмдер түсіре бастады. Тіпті үрейлі фильмдер де түсіруге тырысты. 12 жасында жасөспірімдерге арналған әуесқой фильмдер байқауына қатысып, "Қашуға жол жоқ" (Escape to Nowhere) деген фильмімен жеңімпаз атанды. 40 минуттық бұл фильмге актерлер ретінде ата-анасы мен қарындастары қатысқан.

1963 жылдың 24 наурызында жергілікті кинотеатрда "Аспан жалыны" деп аталған екі сағаттық фильмнің премьерасы болды. Бұл картинаны Стивен Спилберг бастаған жергілікті мектеп оқушылары түсірген еді. Картинада өзге планеталықтардың ғарыш зообағында ұстау үшін адамдарды ұрлау оқиғасы баяндалады. Фильмге қаржыны оның ата-анасы бөлді: жобаға 600 доллар көлемінде жұмсалған. Анасы түсіру тобын тегін тамақпен қамтамасыз етсе, әкесі декорациялық макеттер жасап берген.

С. Спилбергтің алғашқы толықметражды фильмі 1971 жылы шықты. Фильмнің аты - "Дуэль".

Спилберг - актриса Дрю Бэрримордың кіндік әкесі. Режиссердің жұбайы Кейт Кейпшоудың айтуынша, Стивен ұшақтан, лифттер мен тар жабық кеңістіктерден қорқады. Стивен Спилберг - Голливудтың ең бай адамдарының санатына жатады.

Фильмография

• 1993 — «Шиндлердің тізімі»
• 1998 — «Қатардағы жауынгер Райанды құтқару»
• 2004 — «Терминал»
• 2011 — «Тинтиннің басынан кешкендері: Бірмүйіздің құпиясы»
• 2012 — «Линкольн»

Сыртқы сілтемелер

• Стивен Спилберг Мұрағатталған 25 мамырдың 2014 жылы.