Эрвин Пискатор
| Эрвин Пискатор нем. Erwin Piscator  | |
| Өмірбаяны | |
|---|---|
| Азаматтығы |  Германия
|
| Дүниеге келуі | 17 желтоқсан 1893 Гессен |
| Қайтыс болуы | 30 наурыз 1966 (72 жас) Штарнберг |
| Қолтаңбасы | 
|
өңдеу  |
|
Эрвин Пискатор (нем. Erwin Piscator; 17 желтоқсан 1893, Грайфенштайн (Гессен), — 30 наурыз 1966, Штарнберг) — XX ғасырдың ең атақты неміс режиссері , театр теоритигі, коммунист.1920—1921 ж, Берлинде «Пролетар театрын» ұйымдастырып, труппамен бірлесіп жазған «Ресей күні» (1920) пьесасын қойды. Бұл спектакль Советтік Ресейді қолдауға үндеді. 1923—24 ж. Орталық театрға жетекшілік етіп, М. Горькийдің «Тоғышарлары» мен Р. Ролланның «Келер уақытын» сахнаға шығарды. Бұдан кейін «Фольксбюне» театрында режиссер болып, Горькийдің «Шыңырау түбіндесін» (1927) және прогресшіл неміс драматургтарының пьесаларын қойды. Берлинде Пискатор театрын ұйымдастырды. Оның репертуарына империалистер мен соғысқа қарсы жазылған Э. Толлердің, Ф. Вольфтің, В. Н. Билль-Белоцерковскийдің пьесалары орын алды. 30 жылдары Халықаралақ жұмысшы театр одағы атқару комитетінің мүшесі, ал 1934 ж. президенті болды. Пискатор творчествосы 1920— 30 жылдардағы антифашист драматургия мен революция театрдың дамуына зор ықпал жасады. Ол тұңғыш рет саяси театрдың негізін салып, спектакльдерінде кинохрониканы, фотомонтажды, жаңа сахналық конструкцияларды кең пайдаланды. Нацистер өкімет басына келгеннен кейін (1933) шетелге кетуге мәжбүр болды. 1935 жылға дейін КСРО-да, одан кейін Францияда, АҚШ-та тұрды. 1947 жылдан Мангейм, Мюнхен т. б. қалаларда спектакльдер қойды. 1962 жылдан Батыс Берлиндегі «Фрайе фольксбюне» театрының Көркемдік жағын басқарды.[1]
Дереккөздер[өңдеу | қайнарын өңдеу]
- ↑ Қазақ Совет Энциклопедиясы, 9 том