Базар

Базар (парсы: بازار‎ — бозор Үлгі:Lang-tj, өзб. bozor, түрікм. bazar) — ашық алаңдағы сауда-саттық орны. Базарда қалаға немесе басқадай елді мекенге әкелінген ауыл шаруашылығы өнімдері, көпшілік қолды тауарлар, жеке адамдардың басы артық бұйымдары, өздері өндірген заттары сатылады. Қазақстан нарықтық экономикаға көшуіне байланысты базарлардың саны көбейіп, онда сатылатын тауарлардың түрлеріне қарай құрылыс заттары базары, мал базары, азық-түлік Базары, автокөлік базары, әмбебап базары, көтерме сауда базары, т.б. пайда болды. Сонымен қатар, ауыл шаруашылығы өнімдерінің белгілі бір уақытта дайын болуына орай, маусымдық Б-лар, үлкен мейрамдар қарсаңында кітап базары, жаңа жылдық базарлар да ұйымдастырылады. Базарда негізінен икемді баға қолданылып, базар бағасы халықтың сұранымы мен олардың сатып алу қабілетіне қарай қалыптасады. Қазіргі кезде Базар республиканың облысы, аудан орталықтары мен халық тығыз қоныстанған елді мекендерінің барлығында бар. Базар дұрыс салық саясаты жүргізілген жағдайда орта және шағын бизнестің дамуына оң ықпал жасайды.^[1]