Құралай Заманбекқызы Нұрқаділова
Құралай Заманбекқызы Нұрқаділова – қазақстандық дизайнер, суретші, стилист, «Құралай» сән үйінің басшысы. Қазақстан Республикасының Ұлттық Сән Палатасының атқарушы директоры. Kazakhstan Fashion Week және Мәскеу мен Екатеринбург қалаларында өтетін сән апталығының тұрақты қатысушысы.
Өмірбаяны[өңдеу | қайнарын өңдеу]
1992 жылы Алматы мемлекеттік университетінің көркем-сурет және графика факультетін бітіріп шықты. Алғашқы шығармашылық қызмет жолы 1990 жылы «Азия Дауысы» ән байқауында режиссердің көмекшісі қызметінен басталды. Алғашқы киім топтамасын 1992 жылы «Сымбат» сән үйінің негізінде дайындап шықты. Мұнда ол бір жыл бойы сән үйінің авторлық бөлімдегі суретші-модельер қызметін атқарған болатын.
1994 - 1995 жылдары – Құралай Нұрқаділова тек киім тігімен ғана емес, сонымен қатар стилист ретінде таныла бастады. Ол Дала TV телекомпаниясының стилисті ретінде қызмет атқарды..
1994 - 1998 жылдары – төрт жыл бойы «Хабар» және «Қазақстан-1» телеарналарында стилист ретінде қызмет етеді.
1995-1997 жылдары – «Мемориал» қайырымдылық қорының вице-президенті ретінде қызмет атқарады. Бұл қызметімен қатар Алматы қаласының бет бейнесін дайындау жұмысымен, «Алматы жарнама» компаниясына арнап жобалар дайындайды.
1995 жылы – Құралай Нұрұаділова өзінің жеке кәсібін бастайды. Осы жылы Авторлық Сән Үйінің негізі қаланды.
1996 жылы – «Қазақстан іскер әйелдерінің ассоциасы» республикалық қоғамдық бірлестігіне мүше болады. Бұл ұйымда Құралай ең жас кәсіпкер әйел болатын.
1997 - 2000 жылдары – «Азия Дауысы» және «Жас Қанат» ән байқауларындағы қызметін жалғастырады.
2006 жылға дейін әртүрлі қалаларды өзінің жеке сауда дүкендерін ашады. Халықаралық сән байқауларында Қазақстанның атынан қатысады.
2006 жылы – Ішкі дизайн студиясы дәне химиялық тазалау бағытындағы «KURALAI» үйінің жаңа бөлімшесі ашылады. Авторлық Сән Үйі компания ретінде тіркеледі.
2007 жылы – Құралай Нұрқаділова Қазақстан Республикасының Ұлттық Сән Палатасының атқарушы директоры қызметіне бекітілді.