ادام قۇقىقتارىنىڭ جالپىعا بىردەي دەكلاراتسىيياسى

ادام قۇقىقتارىنىڭ جالپىعا بىردەي دەكلاراتسىيياسى (اعىلش. Universal Declaration of Human Rights، UDHR) — ادامنىڭ نەگىزگى قۇقىقتارى مەن بوستاندىقتارىن جارىييا ەتكەن بىردەن-ٴبىر حالىقارالىق-قۇقىقتىق قۇجات. ۱۹۴۸ ج. ۱۰ جەلتوقساندا بۇۇ-نىڭ باس اسسامبلەياسى ۲۱۷ ا (III) جارعىسىمەن قابىلدانعان جانە جارىييالانعان. قۇجاتتا بەلگىلەنىپ، بەكىتىلگەن ادام قۇقىقتارى مەن بوستاندىقتارىنىڭ جالپىعا بىردەي مويىندالۋىن، ساقتالۋىن جانە ٴتىيىمدى جۇزەگە اسىرىلۋىن قامتاماسىز ەتۋ بۇل قۇجاتتىڭ نەگىزگى مىندەتى.

ادام قۇقىقتارىنىڭ جالپىعا بىردەي دەكلاراتسىيياسى ەرەكشەلىگى مەن ماڭىزدىلىعى ادام قۇقىقتارى مەن بوستاندىقتارىن العاشقى بولىپ حالىقارالىق دارەجەگە كوتەرگەندىگىندە جاتىر. دەكلاراتسىييانىڭ مىندەتتىلىگى، زاڭدىق سىيپاتى جوق، ياعنىي بەكىتىلگەن نورمالار ٴسوزسىز ورىندالۋعا ٴتىيىستى ەمەس. دەگەنمەن قۇجاتتا بەلگىلەنگەن ادام قۇقىقتارى مەن بوستاندىقتارى جونىندەگى قاعىيدالاردىڭ ماڭىزدىلىعىنا بايلانىستى دەكلاراتسىييا جالپىعا بىردەي اكت رەتىندە تانىلادى جانە ونى قابىلداۋعا داۋىس بەرگەن مەملەكەتتەردىڭ بارلىعى بىردەي ورىنداۋعا تىرىسادى.

بۇۇ-نىڭ جارعىسىندا كورسەتىلگەندەي (۳۰ باپ):

وسى دەكلاراتسىيياداعى قاعىيدالاردىڭ ەشقايسىسى قانداي دا ٴبىر مەملەكەتكە، ادامدار توبىنا نەمەسە جەكەلەگەن ادامدارعا قانداي دا ٴبىر قىزمەتپەن اينالىسۋ قۇقىنا ۇسىنىس رەتىندە تۇسىندىرىلۋگە ٴتىيىس ەمەس.

سىرتقى سىلتەمەلەر

• ادام قۇقىقتارىنىڭ جالپىعا بىردەي دەكلاراتسىيياسى (قاز.)
• ادام قۇقىقتارىنىڭ جالپىعا بىردەي دەكلاراتسىيياسى (اعىل.)

ۋىيكىيقايناردا بۇعان قاتىستى تۇپنۇسقا ٴماتىن بار:

ادام قۇقىقتارىنىڭ جالپىعا بىردەي دەكلاراتسىيياسى