Gïdrolokacïya

Éxolot

Gïdrolokacïya (gr. 'hwdro' – sw, lat. locatio — ornalastırw) — sw astındağı nısandardıñ ornın olardan şığatın dıbıs sïgnaldarı (passïvti lokacïya) ne olardan şağılısqan jasandı dıbıs sïgnaldarı boýınşa (belsendi lokacïya) anıqtaw.

Gïdrolokacïya dep, köbinese dıbıstıq lokacïyanı aýtadı. Öýtkeni, qazirgi teñiz swında älsiremeý taralatın tolqındardıñ belgilisi osı ğana. Tekserw nısanı ornalasqan bağıt pen oğan deýingi qaşıqtıqtı anıqtaw üşin gïdrolokacïyalıq stancïya jan-jaqqa dıbıstıq nemese wlʹtradıbıstıq terbelisterdiñ qısqa merzimdi ïmpwlʹsin taratadı. Sw astındağı nısannan şağılısqan ïmpwlʹsti gïdrolokacïyalıq stancïya jañğırıq-sïgnal türinde qabıldaýdı. Nısan ornalasqan bağıt (peleng) gïdrolokacïyalıq stancïyanıñ qabıldağış-taratqış jüýesiniñ kölbew jazıqtağı burılw burışı boýınşa anıqtaladı. Gïdrolokacïya sw astındağı körinbeýtin kedergilerdi anıqtawğa balıq awlawda (balıq üýirlerin jäne jekelegen iri balıqtardı tabwda), muxïttanwda (muxïttıñ fïzïkalıq qasïyetin zerttew, teñiz tübiniñ kartasın jasaw jäne t.b.), soğıs maqsattarında (mïna, süñgwir qaýıq, sw üstindegi kemelerdi tabw jäne olardı baqılap otırw jäne t.b.) qoldanıladı.